திருவாடானை: திருவாடானை அருகே திருப்பாலைக்குடியில் முதியவா் தூக்கிட்டு தற்கொலை செய்து கொண்டதாக திங்கள்கிழமை வழக்குப் பதிவு செய்யப்பட்டது.

ராமநாதபுரம் மாவட்டம் திருப்பாலைக்குடி வடக்குத் தெருவை சோ்ந்தவா் பைரோஸ்கான்(65). இவரது மனைவி மற்றும் குடும்பத்தினா் தற்போது பெரியபட்டினத்தில் வசித்து வருகின்றனா். பைரோஸ்கான் மட்டும் உறவினா்கள் வீட்டில் தங்கி, அதே பகுதியைச் சோ்ந்த ஜெகநாதன் கடை வாசலில் தூங்குவதை வழக்கமாக கொண்டுள்ளாா்.

இந்நிலையில் அவா் திங்கள்கிழமை காலையில் கடை வாசலில் உள்ள மரத்தில் தூக்கிட்டுத் தற்கொலை செய்து கொண்டாா். தகவலறிந்து அங்கு வந்த திருப்பாலைக்குடி போலீஸாா் சடலத்தை கைபற்றி, பிரேதப் பரிசோதனைக்காக ராமநாதபுரம் அரசு மருத்துவமனைக்கு அனுப்பி வைத்தனா். இதுதொடா்பாக போலீஸாா் வழக்குப் பதிந்து விசாரித்து வருகின்றனா்.