காவல் உதவி ஆய்வாளா் பணிக்கு விண்ணப்பித்தவா்களுக்கு ராமநாதபுரம் மாவட்ட வேலைவாய்ப்பு மையத்தில் இலவசப் பயிற்சி அளிக்கப்பட உள்ளது.

இதுகுறித்து மாவட்ட ஆட்சியா் ஜானி டாம் வா்கீஸ் வியாழக்கிழமை வெளியிட்ட செய்திக் குறிப்பு:

தமிழ்நாடு சீருடைப் பணியாளா் தோ்வாணையத்தால் வெளியிடப்பட்ட உதவி ஆய்வாளா் பணிக்கு விண்ணப்பித்தவா்களுக்கு ராமநாதபுரம் மாவட்ட வேலைவாய்ப்பு, தொழில்நெறி வழிகாட்டும் மையத்தில் இலவசமாக பயிற்சி அளிக்கப்படுகிறது. வருகிற 17-ஆம் தேதி தொடங்கப்படவுள்ள பயிற்சி வகுப்பில் தகுதியும், விருப்பமும் உள்ளவா்கள் கலந்து கொள்ளலாம்.

இதுகுறித்த மேலும் விவரங்களுக்கு 04567-230160 என்ற தொலைபேசி எண்ணில் தொடா்பு கொண்டோ, 78670 80168 என்ற கட்செவி அஞ்சல் வாயிலாகவோ மாவட்ட வேலைவாய்ப்பு அலுவலகத்தைத் தொடா்பு கொள்ளலாம் என்றாா்.