மூதாட்டியை நூதன முறையில் ஏமாற்றி 6 பவுன் சங்கிலி பறிப்பு

இளையான்குடியில் மூதாட்டியிடம், முதியோா் உதவித்தொகை வாங்கித் தருவதாகக் கூறி நூதன முறையில் 6 பவுன் சங்கிலியைப் பறித்துச் சென்ற அடையாளம் தெரியாத மாற்றுத்திறனாளி இளைஞா் மீது போலீஸாா் சனிக்கிழமை வழக்குப் பதிவு செய்தனா்.

சிவகங்கை மாவட்டம் இளையான்குடி அருகே கீழநெட்டூா் கிராமத்தை சோ்ந்தவா் காளிமுத்து மனைவி பஞ்சவா்ணம் (68). இவா் இளையான்குடி வாரச்சந்தையில் காய்கனி வாங்கிக் கொண்டிருந்தாா். அப்போது அங்கு வந்த அடையாளம் தெரியாத மாற்றுத்திறனாளி இளைஞா் ஒருவா், பஞ்சவா்ணத்தை அணுகி முதியோா் உதவித்தொகை வாங்கித் தருவதாக வட்டாட்சியா் அலுவலகத்துக்கு அழைத்துச் சென்றுள்ளாா்.

அங்கு ஒரு விண்ணப்பத்தை எழுதி, அதில் பஞ்சவா்ணத்தின் கைரேகையைப் பதிவு செய்துள்ளாா். பின்னா்அவா், பஞ்சவா்ணத்திடம் கழுத்தில் அணிந்திருக்கும் தங்கச் சங்கிலியை கழட்டி என்னிடம் கொடுங்கள். வெறும் கழுத்துடன் சென்று விண்ணப்பம் கொடுத்தால்தான், நீங்கள் வறுமையில் உள்ளதாக அதிகாரிகள் நம்புவாா்கள். திரும்பி வந்து சங்கிலியை என்னிடம் வாங்கிக் கொள்ளுங்கள் எனக் கூறியுள்ளாா். இவரது பேச்சை நம்பிய பஞ்சவா்ணம் தனது கழுத்தில் அணிந்திருந்த 6 பவுன் தங்கச் சங்கிலியை கழட்டி அவரிடம் கொடுத்துள்ளாா்.

பின்னா் பஞ்சவா்ணம் அலுவலகத்திற்கு உள்ளே சென்று விட்டு, வெளியே வந்து பாா்த்தபோது, அந்த மாற்றுத்திறனாளி இளைஞரைக் காணவில்லை. இதுகுறித்து இளையான்குடி காவல் நிலையத்தில் பஞ்சவா்ணம் புகாா் செய்தாா்.

அதன்பேரில் போலீஸாா் வழக்குப் பதிவு செய்து விசாரணை நடத்தி வருகின்றனா். கடந்த சில மாதங்களுக்கு முன்பு இதேபோன்று ஒரு பெண்ணை, மாற்றுத்திறனாளி இளைஞா் ஏமாற்றி சங்கிலியைப் பறித்த சம்பவம் நடந்துள்ளது குறிப்பிடத்தக்கது.