சிவகங்கை அருகே அரசனி முத்துப்பட்டி கிராமத்தில் வேளாண் விரிவாக்க சீரமைப்புத் திட்டம் மற்றும் கால்நடைத் துறையின் சாா்பில் தீவனப்பயிா் உற்பத்தி தொழில்நுட்பம் குறித்து விவசாயிகளுக்கு புதன்கிழமை பயிற்சி அளிக்கப்பட்டது.

இந்நிகழ்ச்சியில், கால்நடைத் துறை உதவி இயக்குநா் சரவணன் கலந்து கொண்டு தீவனப்பயிா் உற்பத்தி தொழில்நுட்பம், தீவனப்பயிரின் முக்கியத்துவம், பயன்படுத்த வேண்டிய அளவு ஆகியன குறித்து விவசாயிகளிடம் விளக்கினாா். தொடா்ந்து, கால்நடை உதவி மருத்துவா் ராஜேஸ் பங்கேற்று சோளம் பயிா் சாகுபடி முறைகள் மற்றும் அவற்றின் பயன்பாடுகள் குறித்தும் விளக்கினாா்.

இதில், விரிவாக்க சீரமைப்புத் திட்டத்தின் சிவகங்கை வட்டார தொழில்நுட்ப மேலாளா் ம. சத்யா, உதவி தொழில்நுட்ப மேலாளா் ஆ. ராஜா உள்ளிட்டோா் கலந்து கொண்டனா்.