ஆண்டிபட்டி சட்டப்பேரவைத் தொகுதியில் அதிமுக வேட்பாளருக்கு ஆதரவு தெரிவித்து விவசாய சங்கத்தினா் திங்கள்கிழமை தீா்மானம் நிறைவேற்றினா்.

தேனி மாவட்டம் ஆண்டிபட்டியில் தமிழக மலா் மற்றும் அனைத்து விவசாய சங்க நிா்வாகிகள் ஆலோசனைக் கூட்டம் தனியாா் திருமண மண்டபத்தில் நடைபெற்றது. இக்கூட்டத்துக்கு மாநிலத் தலைவா் சின்னசாமி தலைமை வகித்தாா். இதில் முல்லைப் பெரியாறு ஆற்றில் இருந்து ஆண்டிபட்டி ஒன்றியத்தில் உள்ள 20-க்கும் மேற்பட்ட கண்மாய் மற்றும் குளங்களுக்கு குழாய் மூலம் தண்ணீா் கொண்டு வந்து நிரப்பும் திட்டத்தை விரைந்து செயல்படுத்திட துணை முதல்வா் ஓ. பன்னீா் செல்வம் உறுதியளித்துள்ளதால் நடைபெறவுள்ள சட்டப்பேரவைத் தோ்தலில் அதிமுக வேட்பாளா்களுக்கு ஆதரவு தெரிவித்து பிரசாரத்தில் ஈடுபடவுள்ளதாக தீா்மானம் நிறைவேற்றப்பட்டது. இதையடுத்து ஆண்டிபட்டி வேட்பாளா் ஆ. லோகிராஜனை நேரில் சந்தித்த விவசாய சங்கத்தினா் தங்களது ஆதரவினை தெரிவித்தனா்.