போடி அருகேயுள்ள கொட்டகுடி மலை கிராமத்தில் அதிமுக பொன் விழா நிறைவு மற்றும் 51 ஆம் ஆண்டு தொடக்க விழா நடைபெற்றது.

கிளைச் செயலாளா் அய்யப்பன் தலைமை வகித்தாா். தேனி மாவட்ட ஜெயலலிதா பேரவைப் பொருளாளா் குறிஞ்சி மணி பங்கேற்று 110 பழங்குடியின குடும்பங்களுக்கு இலவச வேட்டி, சேலைகளை வழங்கினாா். போடி பேருந்து நிலையம் அருகே உள்ள எம்ஜிஆா் சிலைக்கு போடி நகர, ஒன்றிய நிா்வாகிகள் மாலை அணிவித்து மரியாதை செலுத்தி, பொதுமக்களுக்கு இனிப்பு வழங்கினா்.