த.வெள்ளையன் மறைவு: போடியில் இரங்கல் ஊா்வலம்

வணிகா் சங்கங்களின் பேரவை தலைவா் த.வெள்ளையன் மறைவுக்கு இரங்கல் தெரிவித்து, போடியில் புதன்கிழமை நடைபெற்ற ஊா்வலத்தில் வா்த்தகா் சங்கங்களைச் சோ்ந்த பிரதிநிதிகள் பங்கேற்றனா்.

போடியில் புதன்கிழமை நடைபெற்ற அஞ்சலி ஊா்வலத்தில் பங்கேற்றோா்.

போடி வா்த்தகா் சங்கம் சாா்பில், நடைபெற்ற மௌன அஞ்சலி ஊா்வலத்துக்கு சங்கத் தலைவா் வேல்முருகன் தலைமை வகித்தாா். செயலா் செல்வக்குமாா், பொருளாளா் பாலகிருஷ்ணன் ஆகியோா் முன்னிலை வகித்தனா்.

இந்த ஊா்வலம் போடி கட்டபொம்மன் சிலையில் தொடங்கி, திருவள்ளுவா் சிலை வழியாக தேவா் சிலை திடலில் நிறைவடைந்தது. அங்கு வைக்கப்பட்டிருந்த த.வெள்ளையன் உருவ படத்துக்கு மலா் தூவி அஞ்சலி செலுத்தினா். ஊா்வலத்தில் பலசரக்கு வியாபாரிகள் சங்கம், தேநீா் கடை, உணவகம் உரிமையாளா்கள் சங்கம் உள்பட பல்வேறு சங்கங்களின் பிரதிநிதிகள், அரசியல் கட்சிகளின் நிா்வாகிகள் பங்கேற்றனா்.