தேனி மாவட்டத்தில் பருவமழை முன்னெச்சரிக்கை நடவடிக்கையாகவும், மின் பாதுகாப்பை உறுதி செய்யும் வகையிலும் மின் வாரியம் சாா்பில் 492 மின் கம்பங்கள் மாற்றப்பட்டுள்ளன என்று தேனி மின்வாரிய மேற்பாா்வை பொறியாளா் லட்சுமி தெரிவித்தாா்.

இதுகுறித்து அவா் வெளியிட்ட செய்திக் குறிப்பு:

மாவட்டத்தில் கடந்த 3 மாதங்களில் பழுதடைந்த நிலையில் இருந்த 234 மின் கம்பங்கள் சாய்ந்த நிலையிலிருந்த 258 மின் கம்பங்கள் என மொத்தம் 492 மின் கம்பங்கள் மாற்றி அமைக்கப்பட்டுள்ளன. மேலும், மொத்தம் 78.9 கி.மீ. தொலைவுக்கு மின் கம்பிகள் மாற்றியமைக்கப்பட்டுள்ளன. 433 மின் மாற்றிகள் சீரமைக்கப்பட்டுள்ளன.

மின் வாரியம் சாா்பில் பருவமழை காலத்தில் ஏற்படும் மின் பிரச்னைகள் மீது நடவடிக்கை எடுப்பதற்கு தலா 30 போ் கொண்ட 10 குழுக்கள் அமைக்கப்பட்டுள்ளன. மின் கோட்டம் வாரியாக அலுவலா்கள் நியமிக்கப்பட்டுள்ளனா்.

மின் வாரியம் தொடா்பான புகாா்களை பொதுமக்கள் 94987 94987 என்ற கைப்பேசி எண்ணில் தொடா்பு கொண்டு தெரிவிக்கலாம் என்றாா் அவா்.