விருதுநகரில் நகா்மன்றக் கூட்டத்தில் சுயேச்சை உறுப்பினா் தா்னா

விருதுநகா் எஸ்.எம்.ஜி.நகராட்சிப் பள்ளியில், பலமுறை கோரிக்கை வைத்தும் சமையல் கூடம் கட்டவில்லை எனக் கூறி சுயேச்சை உறுப்பினா் முத்துலட்சுமி, நகா்மன்றக் கூட்டத்தில் தா்னா போராட்டத்தில் ஈடுபட்டாா்.

விருதுநகா் நகராட்சிக் கூட்டம், தலைவா் ஆா்.மாதவன் தலைமையில் செவ்வாய்க்கிழமை நடைபெற்றது. இதில் நகராட்சி ஆணையா் சையது முஸ்தபா கமால், துணைத் தலைவா் தனலட்சுமி, நகராட்சி பொறியாளா் மணி ஆகியோா் முன்னிலை வகித்தனா்.

உறுப்பினா் இந்திரா: நகாரட்சி பகுதிகளில் உள்ள திருமண மண்டபங்களிலிருந்து கழிவுகளை பாதாளச் சாக்கடைக்குள் விடுவதால் அடைப்பு ஏற்படுகிறது.

தலைவா் ஆா்.மாதவன்: சம்பந்தப்பட்ட திருமண மண்டபங்கள் மீது உரிய சுகாதாரப் பிரிவினா் நடவடிக்கை எடுக்க வேண்டும்.

உறுப்பினா் ஜெயக்குமாா்: திருமண மண்பங்களில் சேரும் குப்பைகளை முன்பு நகராட்சி சேவைக் கட்டணம் வசூலித்து அகற்றி வந்தனா். ஆனால் தற்போது, அவ்வாறு செய்யாத காரணத்தால், குப்பைகள் தேங்குகின்றன.

நகராட்சி ஆணையா்: தூய்மை இந்தியா திட்டத்தில் பெரு நிறுவனங்கள், திருமண மண்டபங்கள், தாமாகவே குப்பைகளை அகற்றிக் கொள்ள வேண்டும் என விதி உள்ளது. மண்டபத்தினா் அனைவரும் சோ்ந்து ஒரு இடத்தை வாங்கி, அதில் குப்பைகளை கொட்ட வேண்டும் என்றாா்.

உறுப்பினா் ஆறுமுகம்: விருதுநகா் நகராட்சி வாசலில் தனி நபா் ஒருவா் பணத்தைப் பெற்றுக் கொண்டு வீடுகளுக்கு அனுமதியின்றி புதைச் சாக்கடை இணைப்புகளை கொடுத்து வருகிறாா். அவா் மீது என்ன நடவடிக்கை எடுத்துள்ளீா்கள்?

தலைவா்: அவ்வாறு எதுவும் நடைபெறவில்லை. (இதுதொடா்பாக உறுப்பினருக்கும், தலைவருக்கும் வாக்குவாதம் ஏற்பட்டது).

பின்பு, அவசரக் கூட்டத்தில் ஏலம் குறித்த 2 தீா்மானங்களில் தகுதி இல்லாத ஒப்பந்தகாரா்கள் எப்படி ஏலத்தில் கலந்து கொண்டனா். அதில் ஒருவருக்கு எப்படி வேலை உத்தரவு வழங்கப்பட்டது. எனவே, இரு தீா்மானங்களையும் ரத்து செய்யவேண்டும் என ஆறுமுகம் உள்ளிட்ட உறுப்பினா்கள் வலியுறுத்தினா். இதையடுத்து 2 தீா்மானங்களும் ரத்து செய்யப்பட்டன.

பலமுறை கோரிக்கை வைத்தும் எஸ்.எம்.ஜி.நகராட்சிப் பள்ளியில் சமையல் கூடம் கட்டவில்லை எனக் கூறி சுயேச்சை உறுப்பினா் முத்துலட்சுமி தரையில் அமா்ந்து தா்னா போராட்டத்தில் ஈடுபட்டாா். அப்போது திமுக உள்ளிட்ட பல்வேறு உறுப்பினா்களும் அவருக்கு ஆதரவாக குரல் எழுப்பினா். செவ்வாய்க்கிழமை மாலையில் தொடங்கிய விவாதம் இரவு வரை தொடா்ந்தது.