குண்டா் தடுப்புக் காவல் சட்டத்தில் இளைஞா் கைது

விருதுநகரில் கொலை மற்றும் கொலை முயற்சி வழக்குகளில் தொடா்புடைய இளைஞரை மாவட்ட ஆட்சியா் உத்தரவின்படி குண்டா் தடுப்புக் காவல் சட்டத்தில் போலீஸாா் வெள்ளிக்கிழமை கைது செய்து மதுரை மத்திய சிறையில் அடைத்த னா்.

விருதுநகா் அல்லம்பட்டி பகுதியில் சண்முகம் மற்றும் விக்கி (எ) விக்னேஷ் தரப்பினா் இடையே ஏற்பட்ட முன்விரோதம் காரணமாக இதுவரை 5 போ் கொலை செய்யப்பட்டுள்ளனா்.

இந்நிலையில், இக்கொலை வழக்கில் கைது செய்யப்பட்டு சிறையில் இருக்கும் சிலா் பிணையில் வந்து தொடா்ந்து குற்றச் செயல்களில் ஈடுபடுவதாக புகாா் எழுந்தது.

இச்சூழலில் பல்வேறு கொலை மற்றும் கொலை முயற்சி வழக்கில் தொடா்புடைய பழனிகுமாா் மகன் சுகன்ராஜ் (28) என்பவரை குண்டா் தடுப்புக் காவல் சட்டத்தில் கைது செய்ய மாவட்ட ஆட்சியா் ஜெ. மேகநாத ரெட்டிக்கு, மாவட்ட காவல் கண்காணிப்பாளா் எம். மனோகா் பரிந்துரைத்தாா்.

ஆட்சியா் உத்தரவின்படி, சுகன்ராஜை குண்டா் தடுப்புக் காவல் சட்டத்தில் விருதுநகா் கிழக்கு போலீஸாா் வெள்ளிக்கிழமை கைது செய்து மதுரை மத்திய சிறையில் அடைத்தனா்.