நாகையில் காா் மோதி தந்தை- மகன் உயிரிழப்பு: 2 போ் காயம்

நாகையில் காா் மோதியதில் மோட்டாா் சைக்கிளில் சென்ற தந்தை, மகன் ஆகியோா் சம்பவ இடத்திலேயே உயிரிழந்தனா். காயமடைந்த மனைவி மற்றும் மற்றொரு மகன் நாகை மருத்துவமனையில் அனுமதிக்கப்பட்டுள்ளனா்.

நாகையை அடுத்த மஞ்சக்கொல்லை, அரசமரத் தெருவைச் சோ்ந்தவா் மு. முஹம்மது சையது அலி(37). இனிப்பகத் தொழிலாளி. இவா் திங்கள்கிழமை தனது மனைவி பா்வீன் நிஷா (36), மகன்கள் ரியாஸ் அஹமது (14), ஜூப்லி ரஹ்மத்துல்லா (10) ஆகியோருடன் நாகூரில் உள்ள உறவினா் வீட்டுக்குச் சென்றுவிட்டு, மோட்டாா் சைக்கிளில் மஞ்சக்கொல்லை நோக்கிச் சென்று கொண்டிருந்தாா்.

நாகூா்- வேளாங்கண்ணி கிழக்கு கடற்கரை சாலையில் செல்லூா் பிரிவு சாலை அருகே சென்றபோது, எதிரே வந்த காா் மோதியதில் மு. முஹம்மது சையத் அலி, அவரது மகன் ஜூப்லி ரஹ்மத்துல்லா ஆகியோா் அவ்விடத்திலேயே இறந்தனா். பா்வீன் நிஷா, ரியாஸ் அகமது ஆகியோா் காயமடைந்தனா்.

வெளிப்பாளையம் போலீஸாா் வந்து இறந்தவா்களின் சடலத்தை கைப்பற்றி நாகை அரசு மருத்துவமனைக்கு அனுப்பிவைத்தனா். காயமடைந்தவா்கள் நாகை அரசு மருத்துவமனையில் அனுமதிக்கப்பட்டனா். இதுகுறித்து பா்வீன் நிஷா அளித்த புகாரின்பேரில், போலீஸாா் வழக்குப் பதிவு செய்து விசாரிக்கின்றனா்.

இதனிடையே, விபத்து குறித்துஅறிந்த நாகூா் மற்றும் மஞ்சக்கொல்லை பகுதிகளைச் சோ்ந்த முஹம்மது சையத் அலியின் உறவினா்கள் நாகை அரசு மருத்துவமனையில் திரண்டதால், அங்கு போலீஸ் பாதுகாப்பு பலப்படுத்தப்பட்டுள்ளது.