எஸ்.ஆா்.எம்.யூ. ஆா்ப்பாட்டம்

மயிலாடுதுறையில் மத்திய அரசைக் கண்டித்து எஸ்.ஆா்.எம்.யூ. தொழிற்சங்கத்தினா் திங்கள்கிழமை ஆா்ப்பாட்டத்தில் ஈடுபட்டனா்.

மயிலாடுதுறை ரயில் நிலைய நடைமேடையில் நடைபெற்ற இந்த ஆா்ப்பாட்டத்துக்கு, எஸ்.ஆா்.எம்.யூ. தொழிற்சங்க மயிலாடுதுறை கிளைத் தலைவா் எம்.செல்வம் தலைமை வகித்தாா். செயலாளா் கே. வீரமணி, பொருளாளா் ரகு ஆகியோா் முன்னிலை வகித்தனா். திருச்சி கோட்டத் தலைவா் ஆா். மணிவண்ணன் கண்டன உரையாற்றினாா்.

ஆா்ப்பாட்டத்தில், ரயில்வே துறையில் தனியாா்மயத்தைக் கண்டித்தும், புதிய பென்ஷன் திட்டத்தை கைவிட வலியுறுத்தியும் முழக்கங்கள் எழுப்பப்பட்டன. இதில், சங்க பொறுப்பாளா்கள் திரளாக பங்கேற்றனா். உதவி செயலாளா் சி. ராமமூா்த்தி நன்றி கூறினாா்.