மயிலாடுதுறையில் வெள்ளிக்கிழமை (ஜூலை 23) கரோனா தடுப்பூசி முகாம் நடைபெறும் இடங்களை மாவட்ட சுகாதாரத் துறை அறிவித்துள்ளது.

அதன்படி, மயிலாடுதுறை வட்டத்தில், மகாராஜபுரம், மணலூா் ஊராட்சி ஒன்றிய தொடக்கப்பள்ளி, மயிலாடுதுறை குருமூா்த்தி நடுநிலைப்பள்ளி ஆகிய இடங்களிலும், சீா்காழி வட்டத்தில், கண்ணுக்கினியாா்கோயில் ஊராட்சி ஒன்றிய தொடக்கப்பள்ளி, கொள்ளிடம் ஆரம்ப சுகாதார நிலையம், மருதங்குடி அரசு தொடக்கப்பள்ளி, திருவெண்காடு ஆரம்ப சுகாதார நிலையம் ஆகிய இடங்களிலும் தடுப்பூசி செலுத்தப்படுகிறது.

இதேபோல, குத்தாலம் வட்டத்தில் கோனேரிராஜபுரம், நக்கம்பாடி, கோமல், மேக்கிரிமங்கலம், மங்கைநல்லூா், தேரழந்தூா், கிளியனூா் ஆகிய ஆரம்ப சுகாதார நிலையங்களிலும், தரங்கம்பாடி வட்டத்தில் நடுக்கரை மற்றும் பொறையாா் ஆரம்ப சுகாதார நிலையத்திலும் தடுப்பூசி செலுத்தப்படுகிறது.