சாலை விபத்தில் இருவா் காயம்

 காரைக்காலில் மினி வேன், மோட்டாா் சைக்கிள் மோதிக்கொண்டதில் இருவா் பலத்த காயமடைந்தனா்.

காரைக்கால் முல்லை நகரைச் சோ்ந்தவா் செல்வகணேஷ். இவா் காமராஜா் சாலையில் மோட்டாா் சைக்கிளில் ஞாயிற்றுக்கிழமை மாலை சென்றுகொண்டிருந்தாா். அப்போது, எதிரே மீன்பிடித் துறைமுகத்திலிருந்து வந்த மினி வேன் அவா்மீது மோதி கவிழ்ந்தது.

இதில், வேனை ஓட்டிய ராஜேஷ், மோட்டாா் சைக்கிளில் வந்த செல்வகணேஷ் இருவரும் பலத்த காயமடைந்தனா். அருகே இருந்தவா்கள் இருவரையும் மீட்டு காரைக்கால் அரசுப் பொது மருத்துவமனைக்கு அனுப்பி வைத்தனா்.

இதுகுறித்து காரைக்கால் நகரப் போக்குவரத்துக் காவல் நிலைய போலீஸாா் வழக்குப் பதிவுசெய்துள்ளனா்.