வாக்குச்சாவடிகள் அதிகரிப்பு:அனைத்துக் கட்சியினருடன் தோ்தல் அதிகாரி ஆலோசனை

காரைக்காலில் வாக்குச்சாவடிகளை கூடுதலாக்குவது தொடா்பாக அரசியல் கட்சிப் பிரதிநிதிகளுடன் மாவட்ட தோ்தல் அதிகாரி திங்கள்கிழமை ஆலோசனை நடத்தினாா்.

காரைக்கால் மாவட்ட தோ்தல் அதிகாரி அா்ஜூன் சா்மா தலைமையில், அங்கீகரிக்கப்பட்ட அரசியல் கட்சிப் பிரதிநிதிகள் பங்கேற்ற ஆலோசனைக் கூட்டம் ஆட்சியரகத்தில் நடைபெற்றது.

இந்திய தோ்தல் ஆணையத்தின் அறிவுறுத்தலின்படி, வாக்குச் சாவடியில் ஆயிரம் வாக்காளா்களுக்கு கூடுதலாக இருக்கும்பட்சத்தில், அதே இடத்தில் கூடுதலாக வாக்குச்சாவடிகள் அமைக்கப்படவுள்ளது.

காரைக்கால் மாவட்டத்தில் இதுபோல உள்ள வாக்குச் சாவடிகள் கணக்கெடுப்பு செய்யப்படவுள்ளது குறித்து விளக்கப்பட்டது. கட்சிப் பிரதிநிதிகள் தங்களது கருத்துகளைத் தெரிவித்தனா்.

இக்கூட்டத்தில் மாவட்ட துணை ஆட்சியா் எம். ஆதா்ஷ் மற்றும் தோ்தல் துறை அதிகாரிகள் பலா் கலந்துகொண்டனா்.

கூட்டத்தில் பங்கேற்ற பாமக மாவட்ட செயலா் க. தேவமணி கூறுகையில், வாக்குச் சாவடியில் கூடுதலாக வாக்காளா்கள் உள்ளபோது, கூடுதல் வாக்குச்சாவடி அதே இடத்தில் அமைக்கும்போது வாக்காளா்களுக்கு வசதியாக இருக்கும்.

மாவட்டத்தில் அரசுத் துறைகளில் 3 ஆண்டுகளுக்கு மேலாக பல்வேறு பொறுப்புகளில் பணியாளா்கள் நீடித்துவருகிறாா்கள். இவா்கள் அரசியல் கட்சிகளைச் சோ்ந்தோா், எம்.எல்.ஏ.க்களுக்கு ஆதரவாக உள்ளனா். இவா்களை வைத்துக்கொண்டு நியாயமாக தோ்தலை நடத்த முடியாது. எனவே, இவா்களை கண்டறிந்து பணியிடமாற்றம் செய்ய வேண்டும் என தெரிவித்துள்ளோம் என்றாா்.