காரைக்காலில் தடுப்பூசித் திருவிழா: மேலும் 2 நாள்கள் நீட்டிப்பு

காரைக்காலில் தடுப்பூசித் திருவிழா மேலும் 2 நாள்கள் நீட்டிக்கப்பட்டுள்ளதாக நலவழித் துறை சாா்பில் தெரிவிக்கப்பட்டுள்ளது.

காரைக்காலில் கடந்த 16 முதல் 19 ஆம் தேதி வரை நடைபெற்ற கரோனா தடுப்பூசித் திருவிழாவில் ஆயிரக்கணக்கானோா் பயனடைந்ததால், அதை மேலும் நீட்டிக்கவேண்டும் என்ற கோரிக்கை எழுந்தது.

இந்நிலையில், காரைக்கால் நலவழித் துறை துணை இயக்குநா் கே. மோகன்ராஜ் சனிக்கிழமை கூறியது:

கடந்த 4 நாள்களாக நடைபெற்றுவந்த தடுப்பூசித் திருவிழா நலவழித் துறை செயலா் உத்தரவின்படி, ஜூன் 20, 21 என மேலும் 2 நாள்கள் நீட்டிக்கப்பட்டுள்ளது. இதற்காக 13 மையங்கள் அமைக்கப்பட்டுள்ளன. இதில், 18 வயதுக்கு மேற்பட்டோா் தங்களது அடையாள அட்டையுடன் வந்து தடுப்பூசி செலுத்திக்கொள்ளலாம்.

20 ஆம் தேதி மையங்கள்: அரசு தொடக்கப் பள்ளி நேரு நகா், அம்மையாா் கலையரங்கம், காரைக்கால்மேடு சமுதாயக்கூடம், நல்லாத்தூா் அரசு தொடக்கப் பள்ளி, கீழபருத்திக்குடி அங்கன்வாடி மையம், கீழகாசாக்குடி சீதளாதேவி அம்மன் கோயில் வளாகம், திருவேட்டைக்குடி காலனி தெரு சமுதாயக்கூடம், அம்பகரத்தூா் திருவள்ளுவா் அரசு மேல்நிலைப் பள்ளி, சுப்ராயபுரம் அரசு தொடக்கப் பள்ளி, விழிதியூா் மாரியம்மன் கோயில் பகுதி அங்கன்வாடி மையம், சேத்தூா் சமுதாயக்கூடம், கீழவாஞ்சூா் அரசு தொடக்கப் பள்ளி, மதகடி காமராஜா் வளாகம்.

21 ஆம் தேதி மையங்கள்: அரசு தொடக்கப் பள்ளி பி.கே.சாலை, காரைக்கால் நகராட்சி திருமண மண்டபம் அருகேயுள்ள இந்திய மருத்துவ முறை மருத்துவ மையம், அம்மன்கோயில்பத்து பொது சேவை மையம், கொட்டப்பாக்கம் சமுதாயக்கூடம், மேலகாசாக்குடி நடுநிலைப் பள்ளி, கோட்டுச்சேரி ஜீவாநகா் அரசு தொடக்கப் பள்ளி, ராயன்பாளையம் சமுதாயக்கூடம், அம்பகரத்தூா் திருவள்ளுவா் மேல்நிலைப் பள்ளி, கருக்கன்குடி அரசு நடுநிலைப் பள்ளி, கன்னிக்கோயில் தெரு அங்கன்வாடி மையம், கண்ணாப்பூா் அரசு தொடக்கப் பள்ளி, மேலவாஞ்சூா் அரசு தொடக்கப் பள்ளி, நடுக்களம்பேட் அரசு தொடக்கப் பள்ளிகளில் தடுப்பூசி செலுத்தப்படுகிறது என்றாா் அவா்.