நெல் மூட்டைகளை விரைந்து இயக்கம் செய்ய வலியுறுத்தி ஆா்ப்பாட்டம்

அரசு நேரடி நெல் கொள்முதல் நிலையங்களில் நெல் மூட்டைகளை விரைந்து இயக்கம் செய்ய வலியுறுத்தி மயிலாடுதுறையில் டிஎன்சிஎஸ்சி எம்ப்ளாயீஸ் யூனியன் சாா்பில் வியாழக்கிழமை ஆா்ப்பாட்டம் நடைபெற்றது.

மயிலாடுதுறை சித்தா்காடு நவீன அரிசி ஆலை முன் நடைபெற்ற ஆா்ப்பாட்டத்துக்கு, மண்டலத் தலைவா் பொன். நக்கீரன் தலைமை வகித்தாா். மண்டல பொருளாளா் வீ. பக்கிரிசாமி முன்னிலை வகித்தாா். துணைத் தலைவா்கள் பாஸ்கரன், செல்வராஜ், துணை செயலாளா்கள் வேல்முருகன், வாசுதேவன், அன்பழகன், ராஜ்மோகன் உள்ளிட்ட பலா் கலந்து கொண்டனா். ஆா்ப்பாட்டத்தில் மயிலாடுதுறை மாவட்டத்தில் உள்ள அனைத்து கொள்முதல் நிலையங்களிலும் தேக்கம் அடைந்துள்ள நெல் மூட்டைகளை உடனடியாக இயக்கம் செய்ய வலியுறுத்தி முழக்கங்கள் எழுப்பப்பட்டன.