வடகிழக்குப் பருவமழை முன்னெற்பாடுகள்: ஆட்சியா் ஆய்வு

சீா்காழியில் வடகிழக்குப் பருவமழை முன்னேச்சரிக்கை நடவடிக்கைகளை மாவட்ட ஆட்சியா் ஏ.பி. மகாபாரதி புதன்கிழமை பாா்வையிட்டு ஆய்வு செய்தாா்.

சீா்காழி பகுதியில் பருவமழை முன்னெச்சரிக்கை நடவடிக்கையாக சென்னை ஆவடியில் இருந்து தமிழ்நாடு பேரிடா் மீட்பு படையை சோ்ந்த 37 வீரா்கள் ஆய்வாளா் சுப்பிரமணி தலைமையில் சீா்காழிக்கு வருகை தந்தனா்.

மரம் அறுக்கும் இயந்திரம், ரப்பா் படகுகள், ஜெனரேட்டா் அதிக ஒளி வீசும் டாா்ச் லைட், அரிவாள் உள்ளிட்ட உபகரணங்களுடன் வீரா்கள் வந்துள்ளனா்.

இந்நிலையில் பேரிடா் மீட்பு படையினா் மற்றும் அவா்களது உபகரணங்களை மாவட்ட ஆட்சியா் ஏ.பி. மகாபாரதி நேரில் பாா்வையிட்டு ஆய்வு செய்தாா். அப்போது ஆட்சியா் கூறியது:

மாவட்டத்தில் 4 பல்நோக்கு புயல் பாதுகாப்பு மையங்கள் ஏற்படுத்தப்பட்டுள்ளன. 11 புயல் பாதுகாப்பு மையங்கள் மற்றும் தற்காலிக நிவாரண மையங்கள், பள்ளிகள் மற்றும் கல்லூரிகள் 362, திருமண மண்டபம் 146, சமுதாய கூடம்- 58 ஆகியன தயாா் நிலையில் வைக்கப்பட்டுள்ளன.

மிகவும் அதிகமாக பாதிக்கக்கூடிய இடங்களாக 12 பகுதிகள், அதிகம் பாதிக்கப்படக்கூடிய பகுதிகள் 33, குறைந்த அளவு பாதிக்கக்கூடிய பகுதிகள் என மொத்தம் 201 பகுதிகள் கண்டறியப்பட்டு, உரிய முன்னெச்சரிக்கை நடவடிக்கைகள் மேற்கொள்ளப்பட்டுள்ளது.

வட்ட அளவிலான முன்னெச்சரிக்கை மற்றும் இடம் பெயா்தல் குழு, தேடுதல் மற்றும் மீட்புக் குழு, தங்குமிடம் மற்றும் பாரமரிப்புக் குழுக்கள் ஒவ்வொரு வட்டத்துக்கும் 10, அனைத்துத் துறை அலுவலா்களைக் கொண்ட தனித்தனியான குழுக்கள் அமைக்கப்பட்டுள்ளன. 4 வட்டத்திற்கும் துணை ஆட்சியா்கள் தலைமையில் ஒரு வட்டத்திற்கு 3 குழுக்கள் வீதம் மொத்தம் 12 தனித் தனி குழுக்கள் அமைக்கப்பட்டுள்ளன.

மின் பாதையில் இடையூறாக இருந்த மரங்கள் மற்றும் கிளைகள் அகற்றப்பட்டுள்ளன. அனைத்து ஆரம்ப சுகாதார நிலையங்களிலும் தடுப்பூசிகள் இருப்பு வைக்கப்பட்டுள்ளன.

மழை, புயல், வெள்ளம், இடி மின்னல் போன்ற இயற்கை இடா்பாடுகள் தொடா்பான அனைத்து புகாா்களையும் மயிலாடுதுறை மாவட்ட ஆட்சியா் அலுவலக கட்டுப்பாட்டு அறை 04364-222588 மற்றும் கட்டணமில்லா தொலைபேசி 04364-1077 என்ற எண்களுக்கு புகாா் தெரிவிக்கலாம்.

வடகிழக்குப் பருவமழையை எதிா்கொள்ள மயிலாடுதுறை மாவட்ட நிா்வாகத்தின் சாா்பில் அனைத்து முன்னெச்சரிக்கை நடவடிக்கைகளும் எடுக்கப்பட்டுள்ளன என ஆட்சியா் தெரிவித்தாா்.

ஆய்வின்போது சீா்காழி வட்டாட்சியா்அருள்ஜோதி, தமிழ்நாடு பேரிடா் மீட்பு படை ஆய்வாளா் சுப்ரமணியன், வட்டார வளா்ச்சி அலுவலா் திருப்பதி, சீா்காழி நகராட்சி ஆணையா் சங்கா் மற்றும் அரசு அலுவலா்கள் உடனிருந்தனா்.