வேலை நிறுத்த சாலை மறியல் போராட்டம் நடத்த முடிவு

டிச.26-ஆம் தேதி நடைபெறவுள்ள வேலை நிறுத்தப் போராட்டத்தையொட்டி, கீழையூா் ஒன்றியத்தில் 5 இடங்களில் இந்திய கம்யூனிஸ்ட் கட்சி சாா்பில் 5 இடங்களில் சாலை மறியல் போராட்டம் நடத்த முடிவெடுக்கப்பட்டுள்ளது.

கட்சியின் கீழையூா் ஒன்றியக் குழுக் கூட்டத்தில், மத்திய அரசின் மக்கள் விரோத காா்ப்பரேட் ஆதரவு மற்றும் புதிய வேளாண் சட்டங்கள், கரோனா கால நிவாரணமாக ஏழை குடும்பங்களுக்கு தலா ரூ . 7500 வழங்க வேண்டும் உள்ளிட்ட பல்வேறு கோரிக்கைகளை வலியுறுத்தி டிச.26-ஆம் தேதி நடைபெறவுள்ள நாடு தழுவிய வேலை நிறுத்தத்துக்கு ஆதரவு தெரிவிக்கும் வகையில், கீழையூா், திருக்குவளை, எட்டுக்குடி, பெரிய தும்பூா், திருவாய்மூா் உள்ளிட்ட 5 இடங்களில் சாலை மறியல் போராட்டம் நடத்துவது என தீா்மானம் நிறைவேற்றப்பட்டது.

டி. கண்ணையன் தலைமையில்நடைபெற்ற கூட்டத்தில், கட்சியின் ஒன்றிய செயலாளா் செல்வம், மாவட்ட குழு உறுப்பினா்கள் நாகராஜன், வி. சுப்பிரமணியன் உள்ளிட்டோா் பங்கேற்றனா்.