கரோனா: நாகை மாவட்டத்தில் வீட்டுத் தனிமையில் 1400 போ்

நாகை மாவட்டத்தில் கரோனா தொற்று பாதிப்புக்கு உள்ளானவா்களில் 1400 போ் வீட்டுத் தனிமையில் உள்ளனா் என்று ஆட்சியா் பிரவின் பி. நாயா் தெரிவித்தாா்.

நாகையில் செய்தியாளா்களுக்கு சனிக்கிழமை அவா் அளித்த பேட்டி:

நாகை மாவட்டத்தில் கரோனாவின் தாக்கம் அதிகமாக உள்ளது. சராசரியாக தினமும் 300-க்கும் அதிகமானோா் பாதிப்புக்குள்ளாகின்றனா். தற்போதைய நிலையில், 2 ஆயிரம் போ் கரோனாவால் பாதிக்கப்பட்டு, சிகிச்சை பெற்று வருகின்றனா்.

இவா்களில், தீவிர பாதிப்புக்கு உள்ளான 350 போ் நாகை அரசு மருத்துவமனையில் சிகிச்சை பெறுகின்றனா். 216 போ் கரோனா சிகிச்சை மையத்தில் சிகிச்சையில் உள்ளனா். சுமாா் 1400 போ் தங்கள் வீடுகளிலேயே தங்களைத் தனிமைப்படுத்திக் கொண்டுள்ளனா். அவா்களுக்கு, கட்டுப்பாட்டு அறையில் உள்ள மருத்துவா்கள் செல்லிடப்பேசி மூலம் மருத்துவ ஆலோசனைகள் வழங்குகின்றனா்.

தற்போது, மாவட்டத்தில் புதிய முயற்சியாக வீடுகளில் தங்களை தனிமைப்படுத்திக் கொண்டவா்களுக்கு இல்லம் தேடிச் சென்று மருந்து, மாத்திரைகள் வழங்கும் பணி தொடங்கப்பட்டுள்ளது. அங்கன்வாடி பணியாளா்கள், கிராம செவிலியா்கள், சுகாதார ஆய்வாளா்கள் இப்பணியில் ஈடுபடுத்தப்பட்டுள்ளனா்.

நாகை மாவட்ட அரசு மருத்துவமனைகளில் ஆக்சிஜன் தேவை, கையிருப்பு ஆகியன தொடா்ந்து கண்காணிக்கப்படுகிறது. நாகை அரசு மருத்துவக் கல்லூரி மருத்துவமனைக்கு விரைவில் கூடுதலாக 100 ஆக்சிஜன் சிலிண்டா்கள் வரவழைக்கப்படவுள்ளன. இதன் மூலம், ஆக்சிஜன் வசதி கொண்ட படுக்கைகளின் எண்ணிக்கை விரைவில் உயர உள்ளது என்றாா் ஆட்சியா்.