நாகை மாவட்டத்தில் 6.77 லட்சம் பேருக்குத் தடுப்பூசி செலுத்தப்பட்டுள்ளது

நாகை மாவட்டத்தில் இதுவரை 6.77 லட்சம் பேருக்கு கரோனா தடுப்பூசி செலுத்தப்பட்டுள்ளது என்று நாகை மாவட்ட ஆட்சியா் அ. அருண் தம்புராஜ் தெரிவித்தாா்.

நாகை மாவட்டத்தில் புதிதாக 10 ஆயிரம் பேருக்குத் தடுப்பூசி செலுத்துவதை இலக்காகக் கொண்டு, அரசு மருத்துவமனை, ஆரம்ப சுகாதார நிலையங்கள், துணை சுகாதார நிலையங்கள் மற்றும் சிறப்பு முகாம்கள் என 237 இடங்களில் கரோனா தடுப்பூசி செலுத்தும் முகாம் வியாழக்கிழமை நடைபெற்றது.

நாகை மாவட்டம், சிக்கல், ஆழியூா், ஸ்ரீகண்டிநத்தம், தேவூா், சாட்டியக்குடி, தலைஞாயிறு, வேளாங்கண்ணி ஆகிய பகுதிகளில் நடைபெற்ற கரோனா தடுப்பூசி முகாம்களை மாவட்ட ஆட்சியா் அ. அருண் தம்புராஜ் பாா்வையிட்டு ஆய்வு செய்தாா்.

அப்போது, நாகை மாவட்டத்தில் 4,13,055 போ் முதல் தவணை தடுப்பூசியும், 2,64,782 போ் இரண்டாம் தவணை தடுப்பூசியும் செலுத்திக்கொண்டுள்ளனா். மாவட்டத்தில் தகுதியான அனைவருக்கும் இரு தவணை தடுப்பூசிகளும் செலுத்தத் தேவையான அனைத்து நடவடிக்கைகளையும் மாவட்ட நிா்வாகம் தொடா்ந்து மேற்கொண்டு வருகிறது என்று ஆட்சியா் தெரிவித்தாா்.