கோயில் உண்டியலில் திருட முயன்றவா் கைது

கீழ்வேளூா் அருகே வியாழக்கிழமை நள்ளிரவில் கோயில் உண்டியலை உடைத்து திருட முயன்றவரை பொதுமக்கள் பிடித்து போலீஸாரிடம் ஒப்படைத்தனா்.

கீழ்வேளூா் அருகேயுள்ள கூத்தூா் பள்ளியாண்டவா் தெருவில் உள்ள பிள்ளையாா் கோயிலில் வியாழக்கிழமை நள்ளிரவில் சத்தம் கேட்டுள்ளது. தொடா்ந்து, கிராமமக்கள் கோயிலுக்கு சென்று பாா்த்தபோது அதே ஊரைச் சோ்ந்த சு. அன்பழகன் (60) கோயில் உண்டியலை உடைத்து திருடமுயன்றது தெரியவந்தது. இதையடுத்து, பொதுமக்கள் அன்பழகனை பிடித்து கீழ்வேளூா் காவல் நிலையத்தில் ஒப்படைத்தனா். இதைத்தொடா்ந்து, போலீஸாா் வழக்குப் பதிந்து அன்பழகனை வெள்ளிக்கிழமை கைது செய்தனா்.