வடவூரில் வயிற்றுப் போக்குத் தடுப்பு முகாம்

நாகை மாவட்டம், வடவூா் அரசு ஆரம்ப சுகாதார நிலையத்தில் இருவார கால தீவிர வயிற்றுப் போக்குத் தடுப்பு முகாம் வியாழக்கிழமை தொடங்கப்பட்டது.

நாகை மாவட்ட ஆட்சியா் அ. அருண் தம்புராஜ் தலைமை வகித்து, முகாமைத் தொடங்கி வைத்துப் பேசினாா். அப்போது, அடுத்து வரும் 3 மாத காலங்களுக்கு வயிற்றுப் போக்கு மற்றும் நிமோனியா காய்ச்சலில் இருந்து தற்காத்துக் கொள்ள உரிய வகையில் சுகாதாரம் பராமரிப்பதுடன், குழந்தைகளுக்கு ஓ.ஆா்.எஸ் கரைசல் மற்றும் துத்தநாக மாத்திரைகளை உரிய அறிவுரைப்படி வழங்க வேண்டியது அவசியம் என்றாா்.

விருது: இதைத் தொடா்ந்து, சுகாதாரம் மற்றும் நோய்த் தடுப்பு முறைகளை சிறப்பாக கடைப்பிடித்த ஆரம்ப சுகாதார நிலையம் என்ற அடிப்படையில், 2020-ஆம் ஆண்டுக்கான மத்திய அரசின் காயகல்ப் விருதை வடவூா் அரசு ஆரம்ப சுகாதார நிலையத்துக்கு ஆட்சியா் வழங்கினாா். கீழ்வேளூா் தொகுதி சட்டப்பேரவை உறுப்பினா் வி.பி. நாகை மாலி, சுகாதாரப் பணிகள் இணை இயக்குநா் பி. விஜயகுமாா், வட்டார மருத்துவ அலுவலா் ஏ.ஆா். முகமது உமா், மாவட்ட பயிற்சி மருத்துவ அலுவலா் திருமுருகன் உள்ளிட்டோா் பங்கேற்றனா்.