திமுக பிரசாரம்

மயிலாடுதுறை மாவட்டம் செம்பனாா்கோவில் ஊராட்சி ஒன்றியம் காட்டுச்சேரி ஊராட்சியில், ஒன்றியக்குழு உறுப்பினா் பதவிக்கு போட்டியிடும் திமுக வேட்பாளரை ஆதரித்து அக்கட்சியினா் வியாழக்கிழமை தீவிர பிரசாரத்தில் ஈடுபட்டனா்.

தற்செயல் தோ்தலில் காட்டுச்சேரி, சந்திரபாடி, திருக்களாச்சேரி ஆகிய ஊராட்சிகள் அடங்கிய ஒன்றியக்குழு உறுப்பினா் பதவிக்கு திமுக சாா்பில் செ. செல்வம் போட்டியிடுகிறாா். அவருக்கு ஆதரவாக தெற்கு ஒன்றிய திமுக செயலாளா் அப்துல் மாலிக், தரங்கை நகரச் செயலாளா் வெற்றிவேல், ஊராட்சித் தலைவா்கள் விஜயலட்சுமி சாமிநாதன், ராஜா உள்ளிட்டோா் காட்டுச்சேரி ஊராட்சியில் தீவிர வாக்கு சேகரிப்பில் ஈடுபட்டனா்.