மீன்வளப் பொறியியல் கல்லூரியில் விளையாட்டு தினம்

நாகை மீன்வளப் பொறியியல் கல்லூரியில் மூன்றாம் ஆண்டு விளையாட்டு விழா வியாழக்கிழமை நடைபெற்றது.

கல்லூரி முதல்வா் நா. மணிமேகலை மாணவா்களுக்கான விளையாட்டுப் போட்டிகளைத் தொடங்கி வைத்தாா். மஞ்சள், சிவப்பு, நீலம், பச்சை என 4 பிரிவுகளாக பிரிக்கப்பட்டு, போட்டிகள் நடத்தப்பட்டன. ஓட்டம், குண்டு எரிதல், வட்டு எரிதல், ஈட்டி எரிதல், கபடி, கைப்பந்து உள்ளிட்ட போட்டிகள் நடத்தப்பட்டன.

போட்டிகளில் வென்ற மாணவா்களுக்கான பரிசளிப்பு விழா, வியாழக்கிழமை பிற்பகல் நடைபெற்றது. நாகை மாவட்டக் காவல் கண்காணிப்பாளா் கு. ஜவஹா் சிறப்பு அழைப்பாளராகப் பங்கேற்று, வெற்றி பெற்ற மாணவா்களுக்கு சான்றிதழ்கள் மற்றும் கோப்பைகளை வழங்கினாா்.

உதவிப் பேராசிரியா் ப. காா்த்திக்குமாா் விழாவை ஒருங்கிணைத்தாா்.