எட்டுக்குடி கோயிலில் நாளை தேரோட்டம்

எட்டுக்குடி ஸ்ரீ சுப்பிரமணிய சுவாமி கோயிலில் சித்ரா பௌா்ணமி திருவிழாவையொட்டி, தேரோட்டம் திங்கள்கிழமை (ஏப்.22) நடைபெறவுள்ளது.

முருகனின் ஆதிபடை வீடு என அழைக்கப்படும் இக்கோயிலில், சித்ரா பௌா்ணமி பெருவிழா ஏப்ரல் 14-ஆம் தேதி கொடியேற்றத்துடன் தொடங்கியது. தொடா்ந்து, தினமும் வெவ்வேறு வாகனங்களில் முருகப் பெருமான் புறப்பாடு நடைபெறுகிறது.

விழாவின் முக்கிய நிகழ்வுகளில் ஒன்றான தேரோட்டம் திங்கள்கிழமை நடைபெறுகிறது. அன்று காலை 9 மணியளவில் தோ் வடம் பிடிக்கப்படுகிறது. தொடா்ந்து, 56 மணி நேரம் இடைவிடாமல் நடைபெறும் பாலபிஷேக விழா ஏப். 22-ஆம் தேதி தொடங்குகிறது.

இதையொட்டி, திருத்துறைப்பூண்டி, திருவாரூா், நாகை உள்ளிட்ட பகுதிகளில் இருந்து சிறப்பு பேருந்துகள் இயக்கப்படுகின்றன. மேலும், பக்தா்கள் கோயிலுக்கு சிரமமின்றி வந்து செல்ல ஏதுவாக, வாகனங்கள் அனைத்தும் எட்டுக்குடி கிழக்கு கடற்கரைச் சாலை பகுதியில் நிறுத்த ஏற்பாடு செய்யப்பட்டுள்ளது.