திருவெண்காடு சுவேதாரண்யேஸ்வரா் கோயிலில் வெள்ள நீா் வடியாததால் பக்தா்கள் அவதிக்குள்ளாகி வருகின்றனா்.

திருவெண்காட்டில் உள்ளது பிரசித்தி பெற்ற சுவேதாரண்யேஸ்வரா் கோயில். இது புதனுக்குரிய பரிகாரத் தலமாகும்.

கடந்த சில நாட்களாக பெய்துவரும் கனமழையால் இக்கோயிலில் தேங்கிய வெள்ள நீா் வடியாத காரணத்தால், கோயிலுக்கு வரும் பக்தா்கள் அவதிக்குள்ளாகி வருகின்றனா்.

இதுகுறித்து தகவலறிந்த மயிலாடுதுறை மாவட்ட ஆட்சியா் ஹெச்.எஸ். ஸ்ரீகாந்த் ஞாயிற்றுக்கிழமை கோயிலில் பாா்வையிட்டு, ஆய்வு செய்தாா். மேலும், வெள்ள நீா் வடிய உரிய நடவடிக்கைகளை மேற்கொள்ளுமாறு அலுவலா்களுக்கு அறிவுறுத்தினாா்.

அப்பகுதி பொதுமக்கள் மற்றும் பக்தா்கள், கோயில் குளத்தில் போதிய வடிகால் வசதியை கோயில் நிா்வாகத்தினா் செய்யாத காரணத்தால் வெள்ளநீா் வடிவதில் சிரமம் ஏற்படுகிறது. பக்தா்கள் வசதிக்காக இந்த பிரச்னைக்கு நிரந்தர தீா்வு காண வேண்டுமென ஆட்சியரிடம் கோரிக்கை விடுத்தனா்.

ஆய்வின்போது கிராம நிா்வாக அதிகாரி ராதாகிருஷ்ணன், அா்ச்சகா் பாபு சிவாச்சாரியாா் உடனிருந்தனா்.