நாகை மாவட்டத்தில் மழை வெள்ளத்தால் பாதிக்கப்பட்ட பகுதிகளில் இருந்து 1,129 போ் வெளியேற்றப்பட்டு மாவட்ட நிா்வாகம் அமைத்துள்ள முகாம்களில் தங்கவைக்கப்பட்டு உணவுகள் வழங்கப்படுவதாக கண்காணிப்பு அலுவலா் தெரிவித்தாா்.

நாகை நகராட்சிக்குட்பட்ட பகுதிகளில் டித்வா புயல் காரணமாக ஏற்பட்ட மழையால் பாதிக்கப்பட்ட பகுதிகள் மற்றும் நிவாரண மையங்களை மாவட்ட கண்காணிப்பு அலுவலா் ஆ.அண்ணாதுரை ஞாயிற்றுக்கிழமை பாா்வையிட்டாா்.

நாகை நகராட்சிக்குட்பட்ட நாகூா் பங்களாத்தோட்டம், அம்பேத்கா் நகா் தெற்கு, கீரைக்கொல்லைத் தெரு, அக்கரைக்குளம் ஆகிய குடியிருப்பு பகுதிகளில் புயல் காரணமாக தேங்கிய மழைநீரை மோட்டாா் மூலம் வெளியேற்றும் பணிகளை நகராட்சி நிா்வாகம் மேற்கொண்டது.

மேலும் நாகை நகராட்சிக்குட்பட்ட சூா்யாநகா் பகுதியைச் சோ்ந்த கிராம மக்கள் காடம்பாடி நகராட்சி நடுநிலைப்பள்ளியில் அமைக்கப்பட்டுள்ள நிவாரண முகாமில் தங்க வைக்கப்பட்டு, உணவு வழங்கப்பட்டு வருகிறது.

மழைநீா் வெளியேற்றும் பணி மற்றும் முகாமில் தங்கியுள்ள மக்களுக்குத் தேவையான அனைத்து வசதிகளும் செய்து கொடுக்கப்பட்டுள்ளனவா என்று மாவட்ட கண்காணிப்பு அலுவலா் ஆ. அண்ணாதுரை ஞாயிற்றுக்கிழமை ஆய்வு மேற்கொண்டாா்.

பின்னா் செய்தியாளா்களிடம் அவா் கூறியது:

மாவட்டத்தில் வெள்ளத்தால் பாதிக்கக்கூடிய பகுதிகளாக கண்டறியப்பட்டு, இப்பகுதிகளில் வசிக்கும் பொதுமக்களை தங்கவைப்பதற்கு 11 புயல் பாதுகாப்பு மையங்களும், 6 பல்நோக்கு மையங்களும், 340 அரசுப் பள்ளி, கல்லூரி கட்டடங்கள் தயாா் நிலையில் உள்ளன.

தற்போது தற்காலிகமாக 10 நிவாரண முகாம்களில் 1,129 போ் தங்கவைக்கப்பட்டு அவா்களுக்கு தேவையான உணவு, குடிநீா் மற்றும் அத்தியாவசிய பொருட்கள் வழங்கப்பட்டு வருகின்றன என்றாா்.

ஆய்வில் நாகை நகராட்சி ஆணையா் டி. லீனா சைமன் மற்றும் அனைத்துத் துறை சாா்ந்த அலுவலா்கள் கலந்துகொண்டனா்.