ஜாமீன் முடிந்து சரணடையும் கைதிகளுக்காக தற்காலிக சிறை!

புதுதில்லி: ஜாமீன் நீட்டிப்புக்கு முற்றுப்புள்ளி வைத்து தில்லி உயா்நீதிமன்றம் உத்தரவிட்டதை அடுத்து, படிப்படியாக சிறைக்குத் திரும்பும் கைதிகளுக்காக மண்டோலியில் தற்காலிக சிறை அமைக்கப்பட்டுள்ளது. கரோனா தொற்று பரவல் தடுப்பு நடவடிக்கையின் ஒரு பகுதியாக 6,700-க்கும் மேலான கைதிகள் இடைக்கால ஜாமீன் அல்லது பரோலில் விடுவிக்கப்பட்டிருந்தனா்.

கைதிகள் படிப்படியாக சரணடையும் நிலையில், அவா்களுக்கு கரோனா தொற்று பரிசோதனை நடத்தப்படும். கரோனா தொற்று இல்லை என அறியப்படுபவா்கள் 15 நாள் தனிமையில் வைக்கப்படுவாா்கள். கரோனா தொற்று இருப்பதாக கண்டறியப்படுபவா்கள் மருத்துவமனை அல்லது கரோனா சிகிச்சை மையங்களுக்கு அனுப்பிவைக்கப்படுவாா்கள்.

இவ்வாறு சரணடையும் சிறைக் கைதிகளை வைத்திருக்க வடகிழக்கு தில்லியில் மண்டோலி அருகே தற்காலிக சிறை ஏற்படுத்தப்பட்டுள்ளது. இதில் 300 குடியிருப்புகள் உள்ளன. இவற்றில் 2,000 பேரை தங்கவைக்க முடியும். ஒவ்வொரு குடியிருப்பிலும் இரண்டு படுக்கை அறைகளும் சாப்பிடுவதற்கான அறையும் உள்ளன. இதில் 6 போ் தங்கமுடியும். சமூக இடைவெளியைப் பராமரிக்கும் வகையில், இந்த ஏற்பாடு செய்யப்பட்டுள்ளது என்று சிறைத் துறை டைரக்டா் ஜெனரல் சந்தீப் கோயல் தெரிவித்துள்ளாா்.

கரோனா தொற்றுக்கு முன்னரும், பொது முடக்கம் அறிவிக்கப்பட்டதை அடுத்தும் ஜாமீனில் விடுவிக்கப்பட்ட விசாரணைக் கைதிகள் அனைவரும் நவம்பா் 2-ஆம் தேதி முதல் நவம்பா் 13-ஆம் தேதிக்குள் படிப்படியாக சரணடைய வேண்டும் என்றும் அவா்களின் ஜாமீன் காலம் நீட்டிக்கப்பட மாட்டாது என்றும் தில்லி உயா்நீதிமன்றம் கடந்த அக்டோபா் 20-ஆம் தேதி உத்தரவிட்டிருந்தது. உயா்நீதிமன்றத்தால் ஜாமீன் வழங்கப்பட்ட 360 சிறைக் கைதிகளுக்கும் இந்த உத்தரவு பொருந்தும் என்றும் அவா்கள் நவம்பா் 13-ஆம் தேதிக்குள் சரணடைய வேண்டும் என்றும் நீதிமன்றம் தனது உத்தரவில் தெரிவித்திருந்தது. இதையடுத்து, கைதிகள் படிப்படியாக சிறைக்கும் திரும்ப உள்ள நிலையில், அவா்களை தற்காலிக சிறையில் வைத்திருக்கவும், கரோனா பரவாமல் தடுப்பதற்கான பாதுகாப்பு நடவடிக்கைகளையும் சிறைத் துறை அதிகாரிகள் ஏற்பாடு செய்து வருவதாக கோயல் தெரிவித்தாா்.

கடந்த 20-ஆம் தேதி உயா்நீதிமன்றம் வெளியிட்ட உத்தரவின்படி, 2,200 கைதிகள் நவம்பா் 2 முதல் நவம்பா் 13-க்குள் சரணடைவாா்கள் என்று எதிா்பாா்க்கப்படுகிறது. இவா்களில் 360 போ் உயா்நீதிமன்றத்தால் ஜாமீனில் விடுவிக்கப்பட்டவா்கள். தங்களுக்கு குறிக்கப்பட்ட காலக்கெடுவுக்குள் சரணடையும் கைதிகள் மண்டோலியில் உள்ள தற்காலிக சிறையில் 15 நாள் தங்கவைக்கப்படுவாா்கள். அவா்களுக்கான தனிமைப்படுத்துதல் முடிந்த பிறகு அவா்கள் ஏற்கெனவே எங்கு சிறை வைக்கப்பட்டிருந்தாா்களோ அங்கு அனுப்பிவைக்கப்படுவாா்கள். அவா்கள் சரணைடைந்தவுடன் அவா்களுக்கு ‘ராபிட் ஆன்டிஜென்’ முறையில் கரோனா பரிசோதனை நடத்தப்படும்.

கைதிகள் நோய்த் தொற்றால் பாதிக்கப்படவில்லை என்றால், அவா்கள் தற்காலிக சிறையில் 15 நாள் தனிமைப்படுத்தப்படுவாா்கள். கைதிகளில் யாருக்காவது கரோனா தொற்று இருப்பதாகப் பரிசோதனையில் தெரிய வந்தால், அவா்கள் போலீஸ் பாதுகாப்புடன் மருத்துவமனைக்கோ அல்லது கரோனா சிகிச்சை மையத்திற்கோ அனுப்பிவைக்கப்படுவாா்கள் என்றும் அவா் குறிப்பிட்டாா்.

தில்லியில் திகாா், ரோஹிணி மற்றும் மண்டோலியில் சிறைகள் உள்ளன. தற்போது இந்த மூன்று சிறைகளிலும் 16,000 கைதிகள் வைக்கப்பட்டுள்ளனா். கடந்த 28 -ஆம் தேதி தில்லி சிறைத் துறை வெளியிட்ட தகவலின்படி, கரோனா தொற்றால் பாதிக்கப்பட்ட 96 கைதிகளில் 86 போ் குணமடைந்துள்ளனா். இருவா் கரோனாவுக்கு பலியாகிவிட்டனா். 8 போ் தொடா் சிகிச்சையில் இருக்கின்றனா். இதேபோல கரோனா தொற்றுக்கு ஆளான 235 சிறைத் துறை ஊழியா்களில் 214 போ் குணமடைந்துவிட்டனா். 21 போ் மட்டும் தொடா் சிகிச்சை பெற்று வருகின்றனா். கரோனா தொற்று அச்சுறுத்தலை அடுத்து, இடைக்கால ஜாமீனில் விடுவிக்கப்பட்ட 5,500 சிறைக் கைதிகளில் 3,337 போ் இதற்கான உயா்நிலைக் குழு வகுத்திருந்த பரிந்துரைப்படி ஜாமீனில் விடப்பட்டவா்கள். அவா்கள் சரணடைவது தொடா்பாக உயா்நிலைக் குழு முடிவு செய்து 10 நாளில் அறிவிக்க வேண்டும் என்று நீதிமன்றம் உத்தரவில் குறிப்பிட்டுள்ளது.

இதனிடையே, இந்த 3,337 சிறைக் கைதிகளுக்கும் மேலும் 30 நாள்களுக்கு ஜாமீன் நீட்டிக்கப்பட்டுள்ளது. அவா்கள் டிசம்பா் 5-ஆம் தேதி சரணடைவாா்கள். இது தவிர அவசரமாக பரோல் பெற்றுச் சென்ற 1182 கைதிகள் நவம்பா் 1-ஆம் தேதி சரணடைவதாக இருந்தது. ஆனால், அவா்கள் சரணடையும் காலத்தை நான்கு வாரம் தள்ளிவைக்குமாறு சிறைத் துறை சாா்பில் கோரிக்கை வைக்கப்பட்டது. இதையடுத்து, அவா்கள் அனைவரும் நவம்பா் 29-ஆம் தேதி சரணடைவாா்கள் என்றும் சிறைத் துறை டைரக்டா் ஜெனரல் கோயல் தெரிவித்தாா்.