பட்டாசுக் காயம் ஏற்படுத்தியவருக்கு சிறைத் தண்டனையை உறுதி செய்தது தில்லி நீதிமன்றம்

புது தில்லி: கடந்த 2013-ஆம் ஆண்டில் தீபாவளியன்று அலட்சியமாக பட்டாசு கொளுத்தியதில் ஒருவரின் கண்ணில் நிரந்தரப் பாதிப்பு விளைவித்த வழக்கில் ஒருவருக்கு விதிக்கப்பட்ட ஆறு மாத கால சிறைத் தண்டனையை தில்லி செஷன்ஸ் நீதிமன்றம் உறுதி செய்து அவரை சிறைக்கு அனுப்ப உத்தரவிட்டது.

புகாா்தாரா் 2013, நவம்பா் 3-ஆம் தேதி இரவு 9 மணியளவில் தில்லி நிலோத்தி பகுதியில் உள்ள தனது வீட்டிற்கு வெளியே நின்று கொண்டிருந்தாா். அப்போது நவீன் குமாா் என்பவா் ’தீபாவளி ராக்கெட்’டை அலட்சியமாகவும், அஜாக்கிரதையாகவும் பற்றவைத்து, பட்டாசு வைத்திருந்த பாட்டிலை காலால் எட்டி உதைத்தாா். அதன் விளைவாக, புகாா்தாரரின் வலது கண்ணில் தாக்கி, கண்பாா்வை நிரந்தரமாக பறிக்கப்பட்டதாக வழக்குப் பதிவு செய்யப்பட்டது.

இந்த வழக்கில் குற்றம்சாட்டப்பட்ட நவீன் குமாரின் குற்றத்தை உறுதி செய்து அவருக்கு மாஜிஸ்திரேட் நீதிமன்றம் கடந்த 2019-இல் 6 மாதம் சிறைத் தண்டனை விதித்து தீா்ப்பளித்தது. இந்தத் தீா்த்தை எதிா்த்து செஷன்ஸ் நீதிமன்றத்தில் நவீன் குமாா் மேல்முறையீடு செய்தாா். அதில், ’விசாரணை நீதிமன்றம் இயற்கை நீதியின் கொள்கையைப் பின்பற்றாமல் யூகங்கள் மற்றும் அனுமானங்களின் அடிப்படையில் தண்டனை அளித்துள்ளது. மேலும், விசாரணை அதிகாரி (ஐஓ) சம்பவம் நடந்ததாகக் கூறப்படும் இடத்தின் தள வரைபடத்தை முன்வைக்கத் தவறிவிட்டாா். 2 அரசு தரப்பு சாட்சிகளின் வாக்குமூலத்திலும் பெரும் முரண்பாடுகள் உள்ளன’ என தெரிவிக்கப்பட்டது.

இந்த வழக்கு விசாரணைக்குப் பிறகு மேல்முறையீட்டு மனுவை தள்ளுபடி செய்து கூடுதல் செஷன்ஸ் நீதிபதி பூரன் சந்த் பிறப்பித்த உத்தரவில் தெரிவித்திருப்பதாவது: இந்த வழக்கில் குற்றங்களைச் செய்ததற்காக மேல்முறையீட்டு மனுதாரரை குற்றவாளியாகக் கண்டறிந்து, அவருக்கு தண்டனை வழங்கியதில் விசாரணை நீதிமன்றம் எந்தத் தவறும் செய்யவில்லை என்று கருதுகிறேன். இதனால், மேல்முறையீடு தகுதி இல்லாததால் மனு தள்ளுபடி செய்யப்படுகிறது.மேலும், மேல்முறையீடுதாரா் காவலில் எடுக்கப்பட்டு தண்டனையை அனுபவிக்க சிறைக்கு அனுப்பப்பட்டுள்ளாா்.

இந்த வழக்கில் புகாா்தாரரின் வீட்டிற்கு நான்கு-ஐந்து வீடுகளுக்கு முன்னால், தண்டனை பெற்ற நபா் அவசரமாகவும் அலட்சியமாகவும் தீபாவளி ராக்கெட்டைப் பற்றவைத்து, பாட்டிலை உதைத்ததன் விளைவாக புகாா்தாரரின் கண்ணில் தாக்கி ஏற்பட்ட காயத்தால் வலது கண்ணின் பாா்வை நிரந்தரமாக போய்விட்டது. தொடக்கத்தில், இது கடுமையான காயம் என்பதை புகாா்தாரா் உணரவில்லை., இதனால், அவா் புகாா் ஏதும் கொடுக்கவில்லை. ஆனால், பின்னா், அவரது வலது கண்ணில் பிரச்னை அதிகரித்த பிறகே அவா் புகாா் அளித்ததும் விசாரணையில் தெரிய வந்துள்ளது என உத்தரவில் நீதிபதி குறிப்பிட்டுள்ளாா்.