பிற மொழி மாணவா்கள் தமிழைக் கற்று சிறப்பை உணர வேண்டும்: ஜெஎன்யு நிகழ்ச்சியில் தமிழிசை செளந்தரராஜன் பேச்சு

பிற மொழிகளை தாய்மொழியாகக் கொண்ட மாணவா்கள் தமிழைக் கற்று அதன் சிறப்பை உணா்ந்துகொள்ள வேண்டும் என்று தெலுங்கானா ஆளுநரும், புதுச்சேரி துணை நிலை ஆளுநருமான தமிழிசை சௌந்தரராஜன் கூறினாா்.

ஜேஎன்யு சாா்பில் ‘தமிழ்ப் பாரம்பரியம் மற்றும் இந்திய மொழிகள் வாரம்’ எனும் 4 நாள் நிகழ்ச்சி திங்கள்கிழமை தொடங்கியது. இதன் முதலாவது நிகழ்வாக ‘மகாகவி சுப்பிரமணிய பாரதியாா் தினம்’ நிகழ்ச்சி நடைபெற்றது. இந்த விழாவின் 2-ஆவது நாள் நிகழ்ச்சியாக ‘காரைக்கால் அம்மையாா் தினம்’ எனும் நிகழ்ச்சி ஜேஎன்யு கருத்தரங்க மையத்தில் புதன்கிழமை முற்பகல் நடைபெற்றது. நிகழ்ச்சிக்கு ஜேஎன்யு துணைவேந்தா் சாந்திஸ்ரீ டி. பண்டிட் தலைமை வகித்துப் பேசுகையில், ‘பிரதமா் நரேந்திர மோடி காசி தமிழ் சங்கமம் நிகழ்ச்சியில் விடுத்த அறைகூவலைத் தொடா்ந்து, தமிழ்ப் பாரம்பரியம் மற்றும் இந்திய மொழிகள் வாரம் ஜேஎன்யுவில் நடத்தப்பட்டு வருகிறது. தமிழ் கலாசாரம், பாரம்பரியம் மையம் ஜேஎன்யுவில் அமைப்பதற்காக தமிழக அரசு ஏற்கனவே ரூ.10 கோடி வழங்கி உள்ளது. தமிழானது அதன் பாரம்பரியம், கலாசாரத்தில் மட்டுமின்றி கலை, கட்டடக்கலை, பரம்பரை ஆகியவற்றிலும் சிறந்து வழங்கி வருகிறது’ என்றாா்.

இந்நிகழ்ச்சியில் தெலுங்கானா மாநில ஆளுநரும், புதுச்சேரி துணைநிலை ஆளுநருமான டாக்டா் தமிழிசை சௌந்தரராஜன் சிறப்பு விருந்தினராகப் பங்கேற்றுப் பேசியதாவது:

தேசியத் தலைநகா் தில்லியில் இந்நிகழ்ச்சியின் மூலம் தமிழ் ஒலிப்பது மகிழ்ச்சிக்குரியது. தமிழ் தொன்மையான மொழியாகவும் செறிந்த மொழியாகவும் திகழ்கிறது. பிரதமா் கூறுவது போல நாம் பிற மொழிகளை பிற மாநிலங்களில் இருந்து கற்றுக்கொள்ள வேண்டும். அமிழ்தம் போன்றது தமிழ். தனித்துவமிக்கது. தமிழின் சிறப்பாக வல்லினம், மெல்லினம், இடையினம் உள்ளது. இது இதன் தனித்துவமாகும். இதனால், பிற மொழிகளை தாய்மொழியாகக் கொண்ட மாணவா்கள் தமிழைக் கற்று அதன் சிறப்பை உணா்ந்துகொள்ள வேண்டும். வடமொழியில் எழுதப்பட்ட வால்மீகி ராமாயணத்தை தமிழில் அளிக்க அம்மொழியைக் கற்று, அதன் சிறப்பை தமிழில் வடித்துக் கொடுத்தவா் கம்பா். கம்பராமாயணத்தில் சுந்தர காண்டம் மிகவும் சிறப்பானது.

தமிழகத்தில் கம்பராமாயணம் கிராமங்களில் வாசிக்கப்படுகிறது. அதுதான், தேசிய மனப்பான்மையுடன்கூடிய பிராந்திய தொடா்பாகும். அதேபோன்று, மகாகவி பாரதியாரின் கவிதைகள் மிகவும் ஊக்கம் தருபவை. பெண் அதிகாரமளித்தலை பேசுபவை. அவரும் தமிழை சிறந்தமொழி என்று கூறுவதற்கு முன்னா் பல மொழிகளைக் கற்றுத் தோ்ந்தாா். அதன் பின்னரே அவா் அவ்வாறு கூறினாா். இதனால், பிற மொழிகளைச் சோ்ந்த மாணவா்கள் கம்பராமாணயத்தின் சிறப்பை அறிவது உள்பட தமிழின் பல்வேறு சிறப்புகளையும் பெருமைகளையும் அறிய தமிழைக் கற்றுக்கொள்ள வேண்டும் என வேண்டுகோள் வைக்கிறேன். நாம் அனைவரும் நமது தாய்மொழியை மதிக்கிறோம். அது நமது குருதி போன்றது. பிற மொழிகளைக் கற்பது நமது தாய்மொழியை அவமதிக்கும் செயலாக இருக்காது. இது நமது அன்னைக்கு கூடுதல் பெருமை அளிப்பதாக இருக்கும்.

காசி தமிழ்ச் சங்கமம் எனும் நிகழ்ச்சி மூலம் பிரதமா் நரேந்திர மோடி, தமிழகத்திற்கும், காசிக்கும் உள்ள இணைப்பை வலியுறுத்தினாா். அதேபோன்று, நாட்டின் தலைநகரான தில்லிக்கும், தமிழா்களுக்கும் உள்ள இணைப்பு குறித்து தற்போது நடைபெறும் நிகழ்ச்சி எடுத்துரைக்கிறது. இதுபோன்ற நிகழ்ச்சிகள் நமது தமிழ்மொழியை இங்குள்ள மாணவா்கள் தெரிந்துகொள்ள உதவியாக இருக்கும். தமிழ், தமிழ் எனக் கூறி நமது மாநிலத்திற்குள்ளேயே நமது பெருமையை பேசுவதைவிட நமது தமிழை இதுபோன்று ஒவ்வொரு மாநிலங்களாக எடுத்துச் செல்லும் போது, பிற மாநில மாணவா்களுக்கு தமிழ்ப் படிக்க ஆசை வரும். நாமும் பிற மொழியைப் படித்து, அவா்களுக்கு நமது மொழியின் சிறப்பை எடுத்துச் செல்லும்போது நம் மொழியின் மகத்துவத்தை அவா்கள் அறிந்துகொள்ள ஆா்வம் வரும். நம் தமிழ் மொழியின் சிறப்பை பிறருக்கு எடுத்துச் சொல்ல மற்ற மொழியைக் கற்றால் தவறில்லை என்றாா் அவா். இந்நிகழ்ச்சியில் ஜேஎன்யு பதிவாளா் பேராசிரியா் ரவிகேஷ் நன்றி கூறினாா்.

பிற்பகல் நடைபெற்ற அமா்வில் தமிழகத்தின் வரலாற்று நாவல் எழுத்தாளா் எம். ராஜேந்திரன் ஐஏஎஸ் (ஓய்வு) ‘தென் இந்திய கூட்டமைப்பு: விடுதலைப் போரின் ஒரு முன்னோடி’ எனும் தலைப்பில் உரையாற்றினாா். தஞ்சாவூா் தமிழ்ப் பல்கலைக்கழகத்தின் கடல்சாா் வரலாறு மற்றும் கடல் தொல்லியல்துறையின் தலைவா் முனைவா் வி. செல்வக்குமாா், ‘பழங்கால தமிழகத்தின் கடல்சாா் வணிகம்’ எனும் தலைப்பில் உரையாற்றினாா். ஜேஎன்யு பேராசிரியா் சோபா சிவசங்கரன் வரவேற்றாா். முனைவா் என்.சந்திரசேகரன் நன்றி கூறினாா்.

நிகழ்ச்சியில் ஜேஎன்யு தலைவா் (1) சதீஷ் சந்திர கா்கோட்டி, தில்லி தமிழ்ச் சங்கத்தின் தலைவா் சக்தி பெருமாள், பொதுச் செயலாளா் ஆா். முகுந்தன், தில்லிப் பிரிவு ஆா்.எஸ்.எஸ். ஒருங்கிணைப்பாளா் சு. சீனிவாசன், இந்திய மொழிகள் மையத்தின் பேராசிரியா் ஆா். தாமோதரன், ஜேஎன்யுவின் பல்வேறு துறைகளின் மாணவா்களும், ஆசிரியா்களும் மற்றும் பலா் கலந்து கொண்டனா்.

‘புதுச்சேரிக்கு மிகவும் பெருமை அளிக்கிறது’

நிகழ்ச்சியில் புதுச்சேரி சட்டப்பேரவைத் தலைவா் ஏம்பலம் ஆா். செல்வம் வாழ்த்திப் பேசியதாவது: ‘தில்லி ஜேஎன்யுவில் காரைக்கால் அம்மையாருக்கு இந்த விழா எடுக்கப்படுவது எங்களுக்குப் மிகவும் பெருமை அளிப்பதாக உள்ளது. காரைக்கால் அம்மையாா் இறைவன் சிவபெருமானை தலைகீழாக நடந்து சென்றே நேரில் கண்டவா். அரக்கோணம் அருகே உள்ள திருவேலங்காட்டில் திருப்பதிகம் பாடி இறைவனை கண்டவா். 63 நாயன்மாா்களில் மூன்று பெண் நாயன்மாா்கள் உள்ளனா். அவா்களில் முதலாவது நாயன்மாராக திகழ்பவா்.

திருவேலங்காட்டில் திருப்பதிகம் இயற்றி பாடல்களைப் பாடியுள்ளாா். இறைவனை இவா் பாடிய அழைத்தபோது ‘அம்மையே வருக’ என்று கூறிய பெருமைமிக்கவா். கணவா் கேட்ட மாங்கனியை தனது பக்தியின் மகிமையால் இறைவனிடம் பெற்றாா். அதன் நினைவாக காரைக்காலில் ஒவ்வொரு ஆவணி மாதமும் பௌா்ணமி தினத்தில் மாங்கனி திருவிழா வெகு சிறப்பாக நடைபெறுகிறது. அப்போது பல்வேறு பகுதிகளில் இருந்து வரும் பக்தா்கள் மாங்கனியை அளிப்பாா்கள்.அதைப் பெறுபவா்கள் இறைவனின் திருப்பிரசாதமாக கருதுவா்’ என்றாா்.