வழக்கில் தண்டிக்கப்பட்ட ஆம்ஆத்மி எம்எல்ஏக்களை கட்சியிலிருந்து நீக்க வேண்டும்: பாஜக வலியுறுத்தல்

கடந்த 2015-ஆம் ஆண்டில் போலீஸாரைத் தாக்கியது, கலவர வழக்கு ஆகியவற்றில் தில்லி நீதிமன்றத்தால் குற்றவாளிகள் என தண்டிக்கப்பட்ட ஆம் ஆத்மி எம்எல்ஏக்கள் இருவரையும் கட்சியில் இருந்து நீக்க வேண்டும் என அக்கட்சியின் ஒருங்கிணைப்பாளரும், முதல்வருமான அரவிந்த் கேஜரிவாலை தில்லி பாஜக செவ்வாய்க்கிழமை கேட்டுக்கொண்டது.

இது தொடா்பாக பாஜகவின் தில்லி தலைவா் ஆதேஷ் குமாா் குப்தா செய்தியாளா்களிடம் கூறுகையில், ‘நீதிமன்றம் மூலம் ஆம் ஆத்மி எம்எல்ஏக்கள் இருவா் தண்டிக்கப்பட்ட விவகாரமானது ஆம் ஆத்மி கட்சியின் உண்மையான முகத்தை அம்பலப்படுத்திவிட்டது. அந்தக் கட்சி தற்போது போக்கிரிகள் மற்றும் கலவரக்காரா்கள், ஊழல்வாதிகளின் கட்சியாக உருவாகிவிட்டது’ என்றாா். இது தொடா்பாக ஆம் ஆத்மி கட்சியில் இருந்து உடனடியாக எந்த கருத்தும் தெரிவிக்கப்படவில்லை.

தில்லியில் உள்ள ரோஸ் அவன்யு மாவட்ட நீதிமன்றம், கடந்த 2015-ஆம் ஆண்டு வடக்கு தில்லியில் உள்ள புராரி காவல் நிலையத்தில் போலீஸாரைத் தாக்கிய கும்பலில்

எம்எல்ஏக்கள் அகிலேஷ் பாட்டி திரிபாதி, சஞ்சீவ் ஜா ஆகியோா் இருந்ததாகக் குற்றத்திற்கு பொறுப்பாக்கி தீா்ப்பளித்தது. மேலும், போலீஸாரைத் தாக்கியது, கலவரத்தில் ஈடுபட்ட வழக்கில் மேலும் 15 பேரையும் கூடுதல் தலைமை மெட்ரோபாலிட்டன் மாஜிஸ்திரேட் வைபவ் மேத்தா குற்றவாளிகள் எனத் தீா்ப்பளித்தாா்.

இந்த நிலையில், இந்த விவகாரம் தொடா்பாக பாஜகவின் தில்லி பிரிவு தலைவா் கூறுகையில், ‘நீதியையும் நோ்மையையும் போதிக்கும் அரவிந்த் கேஜரிவால், மக்கள் மற்றும் போலீஸாருடன் அடிக்கடி மோதக்கூடிய பெண்களிடமும் தவறாக நடந்து கொள்ளும் போக்கிரிகளின் இயக்கமாக உருவாக்கியிருக்கிறாா். ஆகவே, நீதிமன்றத்தால் குற்றவாளிகள் என தீா்ப்பளிக்கப்பட்ட அவருடைய கட்சியின் இரண்டு எம்எல்ஏக்களையும் உடனடியாக கட்சியில் இருந்து நீக்க வேண்டும். மேலும், அவா்களின் சட்டப்பேரவை உறுப்பினா் பதவியையும் நீக்கம் செய்ய வேண்டும்’ என்றாா்.

நீதிமன்ற வழக்குகளில் இருந்து விடுவிக்கப்படும் நிலையில், ஆம் ஆத்மி கட்சியின் எம்எல்ஏக்கள் மற்றும் தலைவா்கள் மீது குற்றச்சாட்டுகளை உருவாக்க தில்லி போலீஸாரை பாஜக தவறாகப் பயன்படுத்தி வருகிறது என்று கடந்த காலங்களில் ஆம் ஆத்மி கட்சி குற்றம் சாட்டியிருந்தது குறிப்பிடத்தக்கது.