ஆம் ஆத்மியின் புதிய தலைமை செய்தித் தொடா்பாளா் பிரியங்கா கக்கா்

ஆம் ஆத்மி கட்சியின் புதிய தேசிய தலைமை செய்தித் தொடா்பாளராக பிரியங்கா கக்கா் நியமிக்கப்பட்டுள்ளதாக அக்கட்சி சனிக்கிழமை அறிவித்துள்ளது.

இதற்கான முடிவு சனிக்கிழமை நடைபெற்ற அக்கட்சியின் மூத்த தலைவா்கள் கூட்டத்தில் எடுக்கப்பட்டதாகவும், கட்சியின் தேசிய பொதுச் செயலாளா் (அமைப்பு) டாக்டா் சந்தீப் பதக் இந்நியமனத்தை செய்துள்ளதாகவும் ஆம் ஆத்மி கட்சியின் தரப்பில் தெரிவிக்கப்பட்டது.

இதுகுறித்து அக்கட்சி தெரிவித்திருப்பதாவது:

பிரியங்கா கக்கா் ஆம் ஆத்மி கட்சியின் தேசிய அமைப்பாளா் அரவிந்த் கேஜரிவாலால் ஈா்க்கப்பட்டு 2013- ஆம் ஆண்டு அக்கட்சியில் சோ்ந்தாா். பின்னா் கட்சி அளித்த பல்வேறு பொறுப்புகளில் தீவிரமாக பணியாற்றி வந்தாா். அவரது கடின உழைப்பையும், அா்ப்பணிப்பையும் கண்டு கட்சி தற்போதுவரை பல பொறுப்புகளை அவருக்கு கொடுத்துள்ளது.

கட்சியின் எதிா்பாா்ப்புகளுக்கு ஏற்ப தன் திறமையை நிரூபித்தாா். அவருக்கு கட்சியின் தெலுங்கானா மேலிடப் பாா்வையாளா் பொறுப்பும் வழங்கப்பட்டது.

2017 முதல் 2019 ஆம் ஆண்டு வரை அந்த பொறுப்பில் இருந்தாா். பின்னா், தெற்கு தில்லி மக்களவைத் தொகுதியின் சட்டப்பிரிவு தலைவராக இருந்தாா்.

2020 ஆம் ஆண்டு ராகவ் சத்தாவோடு குறிப்பிடத்தக்க பணியை ஆற்றிய பிரியங்கா, இறுதியாக 2021 ஆம் ஆண்டு முதல் 2023 வரை மாநிலங்களவை உறுப்பினா் சஞ்சய் சிங்கின் ஆலோசகராக பணியாற்றினாா்.

உத்தர பிரதேசம் மாநில அமைப்பிற்காக அமைக்கப்பட்ட 12 உறுப்பினா்களைக் கொண்ட கண்காணிப்புக் குழுவிலும் இடம்பெற்றிருந்தாா். பென்சில்வேனியா பல்கலைக்கழகத்தில் சட்டத்தில் முதுகலைப் பட்டம் பெற்ற இவா், கடந்த 17 ஆண்டுகளாக வழக்குரைஞா் பணியையும் ஆற்றி வருகிறாா்.