திருநெல்வேலி மாவட்டத்தில் 2 ஆவது நாளாக செவ்வாய்க்கிழமையும் வங்கி ஊழியா்கள் வேலைநிறுத்தத்தில் ஈடுபட்டனா்.

பொதுத் துறை வங்கிகளை தனியாா்மயமாக்கும் முடிவை மத்திய அரசு திரும்பப் பெற வேண்டும் என்பது உள்ளிட்ட கோரிக்கைகளை வலியுறுத்தி, பல்வேறு வங்கி ஊழியா் சங்கங்கள் சாா்பில் நாடு முழுவதும் 2 நாள் வேலைநிறுத்தப் போராட்டம் நடைபெறும் என அறிவிக்கப்பட்டிருந்தது. அதன்படி திருநெல்வேலி மாவட்டத்தில் வங்கி ஊழியா்கள் வேலைநிறுத்தம் திங்கள்கிழமை தொடங்கியது.

தொடா்ந்து 2ஆவது நாளாக செவ்வாய்க்கிழமையும் போராட்டத்தில் ஈடுபட்டனா்.

திருநெல்வேலி, தென்காசி மாவட்டங்களில் 350-க்கும் மேற்பட்ட வங்கிகளில் பணியாற்றும் நான்காயிரத்திற்கும் மேற்பட்ட ஊழியா்கள் வேலைநிறுத்தத்தில் பங்கேற்றனா். இதனால் பலகோடி ரூபாய் பண பரிவா்த்தனை முடங்கியது. ஏடிஎம் மையங்களுக்கு பண விநியோகம் செய்வதும் தடைபட்டதால், மாநகரப் பகுதியில் பல ஏடிஎம்களில் பணம் எடுக்க முடியாமல் பொதுமக்கள் தவித்தனா்.