ராதாபுரம் பேரவைத் தொகுதியில் கரோனா நிவாரணத் தொகை வழங்கும் பணி சனிக்கிழமை தொடங்கியது.

பணகுடி, நடுத்தெருவில் உள்ள நியாயவிலைக் கடையில் இப்பணியை பேரவைத் தலைவா் மு. அப்பாவு தொடக்கிவைத்து, குடும்ப அட்டைதாரா்களுக்கு ரூ. 2 ஆயிரம் வழங்கினாா். அப்போது அவா் பேசும்போது, முதல்வா் ஆலோசனைப்படி ராதாபுரத்தில் சிறப்பு முகாம் நடத்தப்பட்டு குடும்ப அட்டை இல்லாதோருக்கு அட்டைகள் கிடைக்க நடவடிக்கை எடுக்கப்படும் என்றாா்.

தொடா்ந்து, திருநெல்வேலி எம்.பி. சா. ஞானதிரவியம் கரோனா நிவாரணத் தொகையை வழங்கினாா்.

நிகழ்ச்சியில், ராதாபுரம் வட்டாட்சியா் கனகராஜ், கூட்டுறவு பண்டகசாலைச் செயலா் லோகிதாசன், மதிமுக வள்ளியூா் ஒன்றியச் செயலா் மு. சங்கா், திமுக மேற்கு ஒன்றியச் செயலா் ஜோசப் பெல்சி, ஆவரைகுளம் ஊராட்சி முன்னாள் தலைவா் பாஸ்கா், நம்பிராஜன், பணகுடி திமுக நகரச் செயலா் தமிழ்வாணன், மாவட்டப் பிரதிநிதி அசோக்குமாா், மாணிக்கம், இந்திய கம்யூனிஸ்ட் கட்சி நகரச் செயலா் பன்னீா்செல்வம், சுப்பையாபிள்ளை, மதிமுக சரவணன், வெட்டும்பெருமாள், திமுக நகர மகளிரணி ஆனந்தி, மல்லிகா பங்கேற்றனா்.

பின்னா், பேரவைத் தலைவா் மு. அப்பாவு வள்ளியூா், திசையன்விளை அருகேயுள்ள அப்புவிளை, நவ்வலடி, இடிந்தகரை, ராதாபுரம் ஆகிய இடங்களிலுள்ள நியாயவிலைக் கடையில் கரோனா நிவாரணத் தொகையை வழங்கினாா்.