திருநெல்வேலி மாவட்டத்தில் சட்டவிரோத மது விற்பனையில் ஈடுபட்டதாக 32 போ் கைது செய்யப்பட்டனா்.

திருநெல்வேலி மாவட்டத்தில் சட்டவிரோத மது விற்பனையில் ஈடுபடுவோா் மீது கடும் நடவடிக்கை எடுக்க மாவட்ட காவல் கண்காணிப்பாளா் சரவணன் உத்தரவிட்டுள்ளாா்.

அதன்பேரில், கடந்த 19-ஆம் தேதிமுதல் 24-ஆம் தேதிவரை தீவிர சோதனையில் ஈடுபட்ட காவல் துறையினா், சட்ட விரோதமாக மதுபான பாட்டில்கள் விற்பனையில் ஈடுபட்ட 32 பேரை கைது செய்தனா். மேலும் அவா்களிடமிருந்து 239 மதுபான பாட்டில்களை பறிமுதல் செய்தனா்.