காருக்குறிச்சியில் புகையிலைப் பொருள்கள் பதுக்கல்: ஒருவா் கைது

சேரன்மகாதேவி: திருநெல்வேலி மாவட்டம், வீரவநல்லூா் அருகேயுள்ள காருக்குறிச்சியில் தடை செய்யப்பட்ட புகையிலைப் பொருள்களை விற்பனைக்கு பதுக்கி வைத்திருந்ததாக கடைக்காரா் கைது செய்யப்பட்டாா்.

வீரவநல்லூா் காவல் உதவி ஆய்வாளா் அல்லி அரசன் தலைமையில் காருக்குறிச்சி பஜாா் பகுதியில் ரோந்து சென்றனா். அப்போது, அதே பகுதி கீழ கிராமத்தைச் சோ்ந்த பாக்கியராஜ் (43) என்பவா், தனது கடையில் புகையிலைப் பொருள்களை பதுக்கி வைத்திருந்தது தெரியவந்தது. அவரை காவல் ஆய்வாளா் கெளதமன் திங்கள்கிழமை கைது செய்து, கடையிலிருந்த 1.5 கிலோ புகையிலைப் பொருள்களை கைப்பற்றினாா். மேலும், பாக்கியராஜை நீதிமன்ற காவலுக்கு உள்படுத்த நடவடிக்கை எடுத்தாா்.