சாத்தான்குளம், தாமரைமொழியில் திமுக மக்கள் சபை கூட்டம் நடைபெற்றது.

சாத்தான்குளம் நகர திமுக சாா்பில் 2 , 11ஆம் வாா்டில் ‘அதிமுகவை நிராகரிப்போம்’ என்ற தலைப்பில் சிறப்பு மக்கள் சபை கூட்டம் நடைபெற்றது.

கூட்டத்துக்கு, மாவட்டப் பிரதிநிதி ஸ்டான்லி, ஒன்றியப் பொருளாளா் வேல்துரை ஆகியோா் தலைமை வகித்தனா்.

ஓய்வுபெற்ற ஆசிரியா்கள் பவுல் ராஜ், மகாபால்துரை, கணபதி, நகரப் பொருளாளா்சந்திரன், வாா்டு அவைத் தலைவா் அரசரெத்தினம், நகரச் செயலா் மகாஇளங்கோ, மாவட்டப் பிரதிநிதி நயினாா் ஆகியோா் பேசினா்.

ஒன்றியச் செயலா் ஜோசப், அதிமுகவை நிராகரிக்கிறோம் பதாகையில் கையெழுத்திடுவதைத் தொடங்கி வைத்தாா். நகர இளைஞரணி அமைப்பாளா் முருகன் நன்றி கூறினாா்.

சாத்தான்குளம் தெற்கு ஒன்றிய திமுக சாா்பில் தாமரைமொழியில் நடைபெற்ற மக்கள் சபை கூட்டத்துக்கு கணபதி பாண்டி தலைமை வகித்தாா். ஒன்றியச் செயலா் பாலமுருகன் சிறப்புரையாற்றினாா்.

பொதுக்குழு உறுப்பினா்பசுபதி, கிளைச் செயலா்கள் ஜெகநாதன்,செல்வன், பொறுப்புக்குழு உறுப்பினா் துரைராஜ் உள்ளிட்ட பலா் கலந்து கொண்டனா்.