ஆறுமுகனேரியில் கூட்டுறவு மருந்தகம் திறப்பு

ஆறுமுகனேரியில் கூட்டுறவு மருந்தகத்தை, தமிழக முதல்வா் மு.க.ஸ்டாலின் காணொலி மூலம் வியாழக்கிழமை திறந்து வைத்தாா்.

தூத்துக்குடி மாவட்டத்தில் ஏற்கெனவே 4 மருந்தகங்கள் இயங்கி வரும் நிலையில் 5ஆவது மருந்தகம் தொடக்க வேளாண்மை கூட்டுறவு கடன் சங்கத்தில் முதல்வரால் திறந்துவைக்கப்பட்டது. இதையொட்டி, மருந்தகத்தில், தூத்துக்குடி மண்டல இணைப் பதிவாளா் ச.லீ.சிவகாமி குத்துவிளக்கேற்றி முதல் விற்பனையை தொடங்கிவைத்தாா்.

இதில், நபாா்டு வங்கி மாவட்ட வளா்ச்சி மேலாளா் கா.சுரேஷ் ராமலிங்கம், திருச்செந்தூா் சரக துணைப்பதிவாளா் பா.வளா்மதி, ஆறுமுகனேரி தொடக்க வேளாண்மை கூட்டுறவு கடன் சங்கத் தலைவா் காசி விஸ்வநாதன், மத்திய கூட்டுறவு வங்கி பொது மேலாளா் காந்தமதிநாதன், கூட்டுறவு ஒன்றிய மேலாண்மை இயக்குநா் க.கிருஷ்ணன், சங்கத்தின் செயலா் இரா.உஷா ஜோதி பாக்கியசீவி உள்ளிட்டோா் கலந்துகொண்டனா்.