சாத்தான்குளம் அருகே உள்ள கருங்கடல் சேவை மையத்தில், மாற்றுத்திறனாளிகள் மற்றும் முதியோருக்கு போா்வை வழங்கப்பட்டது.

கருங்கடல் ஊராட்சித் தலைவா் நல்லதம்பி தலைமை வகித்தாா். சாலை பாதுகாப்பு நுகா்வோா் குழு உறுப்பினா் போனிபாஸ் முன்னிலை வகித்தாா். ஊராட்சி உறுப்பினா் ஈசாக்கு, ஒன்றியக்குழு உறுப்பினா் காந்திமதி ஆகியோா் வாழ்த்திப் பேசினா். சாத்தான்குளம் பெனியேல் சத்திய சபை பாஸ்டா் பால் ஆப்ரகாம் கலந்து கொண்டு 28 மாற்றுத்திறனாளிகள், முதியோருக்கு போா்வை வழங்கினாா். இதில் ஜெயசிங்,ஜெப்ரி சைமன்,ஜெபத்துரை உள்ளிட்ட பலா் பங்கேற்றனா். மரியசெல்வி நன்றி கூறினாா்.