‘தூத்துக்குடி, தென்காசிக்கு மண்டல பேரூராட்சி உதவி இயக்குநா் அலுவலகம்’

 தூத்துக்குடி, தென்காசி மாவட்டங்களுக்கு தனியாக மண்டல பேரூராட்சி உதவி இயக்குநா் அலுவலகம் அமைக்கப்படும் என பேரூராட்சிகள் ஆணையரக இணை இயக்குநா் தெரிவித்தாா்.

திருநெல்வேலி மண்டலத்தில் திருநெல்வேலி ,தென்காசி ,தூத்துக்குடி ஆகிய மாவட்டங்களிலுள்ள 55 பேரூராட்சிகளை நிா்வகிக்க மண்டல உதவி இயக்குநா் அலுவலகம் மற்றும் உதவி இயக்குநா் பதவிஇடம் உள்ளது. 55 பேரூராட்சிகளையும் ஒரே

மண்டலத்தில் நிா்வகிப்பதால் நிா்வாக ரீதியாக தொய்வு ஏற்படுகிறது. ஆகவே தூத்துக்குடி, தென்காசி மாவட்டங்களுக்கு தனித் தனியாக பேரூராட்சி மண்டல உதவி இயக்குநா் நியமனம் செய்ய வேண்டும் என ஓய்வுபெற்ற பேரூராட்சி அலுவலா்

விக்கிரமன்பிள்ளை அரசுக்கு கோரிக்கை மனு அனுப்பினாா்.

இக்கோரிக்கை தொடா்பாக பதில் தெரிவித்துள்ள பேரூராட்சிகள் ஆணையரக இணை இயக்குநா் (பொறுப்பு) உமாமகேஸ்வரி ராமச்சந்திரன், தமிழகத்தில் கூடுதலாக 10 மண்டல பேரூராட்சிகளின் உதவி இயக்குநா் அலுவலகம் மற்றும் பணியிடங்கள் தோற்றுவிக்கப்படவுள்ளது. அதில் தூத்துக்குடி மற்றும் தென்காசி என புதிதாக 2 மண்டலங்கள்

தோற்றுவித்து புதிய உதவி இயக்குநா் நியமனம் செய்யப்படும் எனத் தெரிவித்துள்ளாா்.