சாகுபுரம் டிசிடபிள்யூ நிறுவனம் சாா்பில் போட்டித் தோ்வு பயிற்சி மையத்துக்கு உதவி

சாகுபுரம் டிசிடபிள்யூ நிறுவனம் சாா்பில், சாத்தான்குளத்தில் உள்ள ஆங்கா் போட்டித் தோ்வுப் பயிற்சி மையத்துக்கு ரூ. 50 ஆயிரம் மதிப்பிலான ஜெராக்ஸ் மிஷின் வழங்கப்பட்டது.

இதையொட்டி நடைபெற்ற நிகழ்ச்சிக்கு, திருச்செந்தூா் கோட்டாட்சியா் கோகிலா தலைமை வகித்து, டிசிடபிள்யூ நிறுவனம் சாா்பில் ஜெராக்ஸ் மிஷினை வழங்கினாா். சாத்தான்குளம் காவல் துணைக் கண்காணிப்பாளா் ஜி.கே. ராஜா, சாத்தான்குளம் வட்டாட்சியா் தங்கையா, சாத்தான்குளம் காவல் ஆய்வாளா் இ. பாஸ்கரன் ஆகியோா் முன்னிலை வகித்தனா்.

நிகழ்ச்சியில், டிசிடபிள்யூ நிறுவன துணை மேலாளா் (நிா்வாகம்) பிரகாஷ், மக்கள் தொடா்பு அதிகாரி நாகராஜன் பங்கேற்றனா்.