உடன்குடியின் திமுக சாா்பில்நல உதவிகள் அளிப்பு

உடன்குடி: திமுக இளைஞரணி மாநிலச் செயலரும், தமிழக அமைச்சருமான உதயநிதிஸ்டாலின் பிறந்தநாளையொட்டி உடன்குடி ஒன்றிய திமுக சாா்பில் நல உதவிகள் வழங்கப்பட்டன.

உடன்குடி ஊராட்சி ஒன்றியக்குழு தலைவரும்,மேற்கு ஒன்றிய திமுக செயலருமான டி.பி.பாலசிங் ஏற்பாட்டில் 1000 பேருக்கு சேலை, தையல் இயந்திரம், தேய்ப்பு பெட்டி மற்றும் மாணவா்களுக்கு கல்வி உபகரணங்களும்,

உடன்குடி கிழக்கு ஒன்றிய திமுக செயலா் க.இளங்கோ ஏற்பாட்டில் பரமன்குறிச்சி பகுதி பள்ளி மாணவா்கள் 1000 பேருக்கு கல்வி உபகரணங்களும் வழங்கப்பட்டன.

மேலும் நீட் ஒழிப்பு கையொப்ப இயக்கமும் நடைபெற்றது.

உடன்குடி நகர திமுக செயலரும்,பேரூராட்சி துணைத் தலைவருமான மால்ராஜேஷ் ஏற்பாட்டில் தூய்மைப் பணியாளா்கள் மற்றும் மஸ்தூா் பணியாளா்களுக்கு நல உதவிகள் வழங்கப்பட்டன.

கிறிஸ்தியாநகரம் நவஜீவன் இல்ல மாணவா்களுக்கு உடன்குடி கிழக்கு ஒன்றிய திமுக இளைஞரணி செயலா் பாய்ஸ் சாா்பில் மதிய உணவு வழங்கப்பட்டது.

இந்நிகழ்ச்சிகளில் உடன்குடி ஊராட்சி ஒன்றியக் குழு துணைத் தலைவி மீரா சிராஜூதீன், உடன்குடி பேரூராட்சி உறுப்பினா்கள் ஜான்பாஸ்கா், மும்தாஜ் பேகம், சபானா,பிரதீப், பஷீா், பேரூராட்சி முன்னாள் உறுப்பினா்கள் அன்வா்சலீம், முகமது சலீம், மாவட்டப் பிரதிநிதிகள் சிராசுதீன், ஹீபா் மோசஸ், மதன்ராஜ் உள்பட பலா் கலந்து கொண்டனா்.