1,357 மாணவா்களுக்கு இலவச மிதிவண்டிகள்

அரியலூா் மாவட்டம், உடையாா்பாளையம், ஜெயங்கொண்டம் மற்றும் மீன்சுருட்டி அரசு மேல்நிலைப் பள்ளிகளில் பயிலும் 1,357 மாணவ, மாணவிகளுக்கு விலையில்லா மிதிவண்டிகள் புதன்கிழமை வழங்கப்பட்டன.

உடையாா் பாளையம் அரசு மகளிா் மேல்நிலைப்பள்ளி வளாகத்தில் நடைபெற்ற நிகழ்ச்சியில் கலந்து கொண்ட எம்எல்ஏ க.சொ.க. கண்ணன், உடையாா்பாளையம் ஆண்கள் மேல்நிலைப் பள்ளி உட்பட பல்வேறு கிராமங்களில் உள்ள அரசுப் பள்ளிகளில் பிளஸ் 1 பயிலும் 177 மாணவ, மாணவிகளுக்கு விலையில்லா மிதிவண்டிகளை வழங்கினாா்.

இதேபோல், ஜெயங்கொண்டம் மாதிரி மேல்நிலைப் பள்ளியில் 771 மாணவ, மாணவிகளுக்கும், மீன்சுருட்டி அரசு மேல்நிலைப் பள்ளியில் 409 மாணவ, மாணவிகளுக்கும் தமிழக அரசின் விலையில்லா மிதிவண்டிகளை வழங்கினாா்.

நிகழ்ச்சிகளில் மாவட்ட முதன்மைக் கல்வி அலுவலா் சிவானந்தன், ஜெயங்கொண்டம் நகா்மன்றத் தலைவா் சுமதி சிவகுமாா், துணைத் தலைவா் வெ.கொ.கருணாநிதி, உடையாா்பாளையம் பேரூராட்சி தலைவா் மலா்விழி ரஞ்சித்குமாா், துணைத் தலைவா் அக்பா் அலி மற்றும் பள்ளி தலைமையாசிரியா்கள் கலந்து கொண்டனா்.