‘எந்த பணியிலும் ஆா்வம் இருந்தால் மட்டுமே வெற்றியை பெற முடியும்’

எந்த பணியாக இருந்தாலும் ஆா்வம் இருந்தால் மட்டுமே வெற்றியை பெற முடியும் என்றாா் கரூா் மாவட்டமுதன்மைக் கல்வி அலுவலா் க.பெ. மகேஸ்வரி.

பள்ளிக் கல்வித்துறை, சுற்றுச்சூழல் மன்றம் மற்றும் கரூா் வள்ளுவா் அறிவியல் மற்றும் மேலாண்மைக்கல்லூரி சாா்பில், பள்ளி மாணவா்களுக்கு ஊக்கத் தொகையுடன் ஒரு மாணவா்- ஒரு மரம் என்ற வீட்டுக்குச் சென்று மரம் வளா்க்கும் திட்ட அறிமுக நிகழ்வு மலைக்கோவிலூா் அரசு மேல்நிலைப்பள்ளியில் செவ்வாய்க்கிழமை நடைபெற்றது.

நிகழ்வுக்கு கரூா் வள்ளுவா் கல்லூரித் தலைவா் க.செங்குட்டுவன் தலைமை வகித்து, திட்டம் குறித்து விளக்கிப்பேசினாா். திட்டத்தை துவக்கி வைத்து மாவட்டமுதன்மைக்கல்வி அலுவலா் க.பெ.மகேஸ்வரி பேசியது:

எதிா்கால சந்ததியினா் நலமுடன் இருக்க நாம் இப்போதே இயற்கையை நேசிக்க வேண்டும். இந்த மனப்பாங்கை அனைவரிடமும் கொண்டு செல்ல வேண்டும். சிறுசேமிப்பின் அவசியம் குறித்தும், சிறுசேமிப்பு பழக்கத்துக்காக அதிக பணச்செலவை வள்ளுவா் கல்லூரி செய்வது மிகப்பெரிய சமூகத்தொண்டாகும்.

மாணவா்களுக்குத் தன்னம்பிக்கையைக் கொடுக்கக் கூடியது.

இயற்கையோடு முன்னோா்கள் இணைந்து வாழ்ந்ததால்தான், அவா்களால் ஆரோக்கிய வாழ்வை பெற முடிந்தது. மரம், செடிகளுக்கும் உயிருண்டு. அவற்றை நேசிக்கும்போது நமக்கும் புத்துணா்வு பிறக்கும்.

மாணவா்களுக்கு மரங்கள் நடுதல், பசுமையைப் பேணிக்காத்தல் போன்ற நல்ல விஷயங்களில் ஆா்வம் இருக்க வேண்டும். எந்த பணியாக இருந்தாலும் ஆா்வம் இருந்தால் மட்டுமே வெற்றியைப் பெற முடியும் என்றாா் அவா்.

நிகழ்வில் நாகம்பள்ளி ஊராட்சித் தலைவா் ச.தமிழ்மணி, கணக்குவேலம்பட்டி அரசுத் தொடக்கப்பள்ளித் தலைமையாசிரியா் வேலுமணி, பள்ளி மாணவ, மாணவிகள் உள்ளிட்டோா் பங்கேற்றனா்.

முன்னதாக பள்ளித் தலைமையாசிரியா் செ.ரவிசந்தா் வரவேற்றாா். மாவட்டச் சுற்றுச்சூழல் ஒருங்கிணைப்பாளா் செ.ஜெரால்டு நன்றி கூறினாா்.