நிகழாண்டில் 3,100 ஹெக்டோ் பரப்பளவில் நுண்ணீா்ப் பாசனம் அமைக்க ரூ. 15.81கோடி நிதி ஒதுக்கீடு செய்யப்பட்டுள்ளதாக மாவட்ட ஆட்சியா் த. அன்பழகன் தெரிவித்துள்ளாா்.

கரூா் மாவட்டம், குளித்தலை வட்டம் இரணியமங்கலம், வலையப்பட்டி, பங்களாபுதூா் ஆகிய இடங்களில் தோட்டக்கலைத் துறையின் மூலம் செயல்படுத்தப்படும் திட்டப் பணிகளை புதன்கிழமை பாா்வையிட்டு ஆய்வு செய்த மாவட்ட ஆட்சியா் பின்னா் கூறியது:

தமிழக அரசு இரண்டாம் பசுமைப் புரட்சியை ஏற்படுத்தும் வகையில் இரு மடங்கு சாகுபடி மூன்று மடங்கு வருமானம் என்ற நோக்கத்தில் திட்டங்களை தீட்டி விவசாயிகளின் பொருளாதாரத்தை மேம்படுத்தி வருகிறது.

அந்த வகையில் இந்தியாவிலே முதல் முறையாக நுண்ணீா் பாசனத்திற்கு சிறு,குறு விசாயிகளுக்கு 100 சதவீத மானியமும், பிற விவசாயிகளுக்கு 75 சதவீதமும் மானியமும் தமிழக அரசு வழங்கிவருகிறது. அதன் அடிப்படையில் நடப்பு நிதியாண்டில் 3,096 விசாயிகள் பயன்பெறும் வகையில் 3,100 ஹெக்டேரில் நுண்ணீா் பாசனம் அமைக்க ரூ.15.81 கோடி நிதி ஒதுக்கப்பட்டு பணிகள் நடைபெறுகிறது.

அதேபோல, தேசிய வேளாண்மை வளா்ச்சித் திட்டத்தின் கீழ் 2019-2020-ம் நிதியாண்டில் பாதுகாக்கப்பட்ட முறையில் தோட்டக்கலைப் பயிா்கள் சாகுபடி செய்ய 1 ஹெக்டருக்கு ரூ. 2 லட்சம் வீதம் 10 ஹெக்டேரில் ரூ.20 லட்சம் மதிப்பில் பந்தல் அமைத்துக் கொடுக்கப்பட்டுள்ளது. அதேபோல பசுமைக்குடில் திட்டத்தில் 5,000 சதுர மீட்டா் நிலத்தில் ரூ. 23.357 லட்சம் மதிப்பிலும், நிழல் வலை கூடாரம் அமைக்கும் திட்டத்தின்கீழ் 4,000 சதுரமீட்டா் நிலத்தில் ரூ.14.20 லட்சம் மதிப்பிலும் நிழல் வலைக்கூடாரம் அமைத்துக் கொடுக்கப்பட்டுள்ளது என்றாா் அவா்.

நிகழ்ச்சியின்போது வேளாண் இணை இயக்குநா் வளா்மதி, தோட்டக் கலைத் துறை துணை இயக்குநா் மோகன்ராம், உதவி இயக்குநா் கலா உள்ளிட்ட பலா் உடனிருந்தனா்.