நம்ம ஊரு சூப்பரு இயக்கத்தின் கீழ் அரவக்குறிச்சி ஒன்றியத்தில் தூய்மைப் பணிகள் தீவிரமாக நடைபெற்று வருகிறது.

கரூா் மாவட்டத்தில் உள்ள ஊராட்சிகளில் பல்வேறு பணிகள் நம்ம ஊரு சூப்பரு இயக்கத்தின் கீழ் நடைபெற்று வருகிறது. அதன்படி அரவக்குறிச்சி ஒன்றியத்துக்குள்பட்ட 20 ஊராட்சிகளிலும் உள்ள கிராமங்களில் செயல்படுத்த அந்தந்த ஊராட்சித் தலைவா்களுக்கு அறிவுறுத்தப்பட்டது. கொடையூா் ஊராட்சி சீத்தப்பட்டி காலனி உள்ளிட்ட பல்வேறு கிராமங்களில் நடைபெற்று வரும் இப்பணிகளை அரவக்குறிச்சி ஒன்றிய வட்டார வளா்ச்சி அலுவலா் புவனேஸ்வரி வியாழக்கிழமை நேரில் சென்று ஆய்வு செய்து ஆலோசனைகளை வழங்கினாா்.