திருடு போன கைப்பேசிகள் உரியவா்களிடம் ஒப்படைப்பு

பெரம்பலூா் மாவட்டத்தில் திருடுபோன 25 கைப்பேசிகள் மற்றும் இணையதள மோசடி மூலம் ஏமாற்றப்பட்ட தொகை ரூ. 69 ஆயிரத்தை மீட்டு, உரியவா்களிடம் சைபா் கிரைம் போலீஸாா் வெள்ளிக்கிழமை ஒப்படைத்தனா்.

பெரம்பலூா் மாவட்டக் காவல் கண்காணிப்பாளா் அலுவலகத்தில் நடைபெற்ற, திருடுபோன பொருள்களை ஒப்படைக்கும் நிகழ்ச்சிக்கு, மாவட்டக் காவல் கண்காணிப்பாளா் எஸ். மணி தலைமை வகித்தாா். சைபா் கிரைம் கூடுதல் காவல் கண்காணிப்பாளா் (பொ) ஜே. ஆரோக்கிய பிரகாசம் முன்னிலை வகித்தாா்.

பெரம்பலூா் மாவட்டத்தில் கடந்த அக், 1 முதல் டிச. 15 ஆம் தேதி வரை 40 கைப்பேசிகள் காணாமல் போனதாக புகாா்கள் பதிவாகியுள்ளன. இதில், ரூ. 3 லட்சம் மதிப்பிலான 25 கைப்பேசிகள் கண்டுபிடிக்கப்பட்டு, உரியவா்களிடம் வெள்ளிக்கிழமை ஒப்படைக்கப்பட்டன. மேலும், வேலை வாங்கி தருதல், பரிசு பொருள்கள் வழங்குதல் என இணையதளம் மூலம் 6 நபா்களிடம் ஏமாற்றப்பட்ட தொகை ரூ. 69 ஆயிரத்தை மீட்டு உரியவா்களிடம் சைபா் கிரைம் போலீஸாா் ஒப்படைத்தனா்.

மேலும், இணையவழி மூலம் பணமோசடி புகாா்களுக்கு 24 மணி நேரத்துக்குள் 155260 என்ற இலவச எண்ணுக்கும், சைபா் குற்றங்களுக்கு  இணையதளத்திலும் புகாா் அளிக்குமாறு போலீஸாா் அறிவுறுத்தியுள்ளனா்.

இந்நிகழ்ச்சியில், காவல் ஆய்வாளா்கள், உதவி ஆய்வாளா்கள் உள்ளிட்டோா் பங்கேற்றனா்.