கல்லூரி வளாக நோ்காணல்: 36 மாணவா்கள் தோ்வு

பெரம்பலூா் தந்தை ஹேன்ஸ் ரோவா் கல்லூரியில் வியாழக்கிழமை நடைபெற்ற வளாக நோ்காணலில் 36 மாணவா்கள் தோ்வு செய்யப்பட்டனா்.

பெரம்பலூா் தந்தை ஹேன்ஸ் ரோவா் தன்னாட்சி கல்லூரியின் திறன் மேம்பாடு மற்றும் வேலைவாய்ப்பு அமைப்பு சாா்பில், மாணவா்களுக்கான வளாக நோ்காணல் முகாம் வியாழக்கிழமை நடைபெற்றது.

கோவையைச் சோ்ந்த பின் கவா் தனியாா் நிறுவனம் சாா்பில் நடைபெற்ற நோ்காணல் முகாமை, கல்வி நிறுவனங்களின் தலைவா் கி. வரதராஜன் தொடக்கி வைத்தாா். கல்லூரி துணை முதல்வா் அ. மகேந்திரன் முன்னிலை வகித்தாா். பின் கவா் தனியாா் நிறுவனத்தின் மனிதவளத்துறை இயக்குநா் டி. ராம்குமாா் தலைமையிலான குழுவினா், 128 மாணவா்களுக்கு பல்வேறு கட்ட நோ்காணல் நடத்தினா். இதில் தோ்வு செய்யப்பட்டவா்களுக்கு தனி நபருக்கான நோ்காணல் நடத்தப்பட்டு, 36 போ் தோ்ந்தெடுக்கப்பட்டனா். தொடா்ந்து, தோ்வான மாணவா்களுக்கு பணி நியமன ஆணைகள் அளிக்கப்பட்டன.

ஏற்பாடுகளை, திறன் மேம்பாடு மற்றும் வேலைவாய்ப்பு ஒருங்கிணைப்பாளா் முனைவா் சுமதி பிராங்கிளின், துணை ஒருங்கிணைப்பாளா் டி.எம்.எம். ஜான் பாஸ்டின் ஆகியோா் செய்திருந்தனா்.