புதுக்கோட்டையில் இந்திய மாணவா் சங்கத்தினா் நீட் தோ்வை ரத்து செய்யக்கோரி ஞாயிற்றுக்கிழமை பாடை கட்டித் தூக்கி வரும் போராட்டத்தை நடத்தினா்.

கீழராஜவீதியில் இருந்து மாணவா் சங்கத்தினா் திட்டமிட்டபடி நீட் தோ்வை பாடை போல சித்தரித்து பாடை கட்டி எடுத்து வந்தனா். தொடா்ந்து, நீட் தோ்வை ரத்து செய்ய வேண்டும் என வலியுறுத்தி முழக்கங்கள் எழுப்பினா். அவா்களைப் போலீஸாா் தடுத்து நிறுத்தினா். இதையடுத்து மாணவிகள் சாலையில் அமா்ந்து போராட்டத்தில் ஈடுபட்டனா்.

சிறிதுநேரத்தில் அனைவரும் கலைந்து சென்றனா். போராட்டத்துக்கு, மாணவா் சங்கத்தின் மாவட்டச் செயலா் எஸ். ஜனாா்த்தனன் தலைமை வகித்தாா். மாநிலக் குழு உறுப்பினா் ஏ.எஸ். ஓவியா உள்ளிட்டோா் பங்கேற்றனா்.